Ilahn 2:9 - Uwumbɔr aagbaŋ

⁹ Aa ga di tikur aadabil gbaa kool bi; aa ga gbaa wii bi yak yak ke tiyakr aabuul na la.’”

Ilahn 2:9 ပူးပေါင်းရင်းမြစ်များ

Ilahn 89:23

M ga ku waadim, ki ku binib bi mɔmɔk nan u na.

Aisaya 30:14

Ni wii yak yak ke tiyakr aabuul na la, ni wii yak yak sakpen le kisanjaŋ aan ki li bi, bi di moo mmii, bee bi di kab nnyun nkin ponn ni.”

Aisaya 60:12

Le ŋinibol ŋi kaa tun lituln tii nimi na ga kuln kookoo.

Jeremia 13:14

Le m ga di binib bi por na, ni bi kaa por na yur tɔb aan bi wiil ke ŋidabuu na. Kinimbaak, ni mpombiin, ni nsuugar mbaa aan kiir mi ke m taa ku bi.”

Jeremia 19:11

ki bui bi ke Uwumbɔr Mpɔɔnsakpiindaan len ke, “M ga wii kitiŋ kee, ni binib bee, aan ni li bi ke tiyakr aabuul lee aah wii pu kaan ki kpaan pu na. Binib aah kaan ki kan mpaan pu ki sub baanib na, bi ga sub binib Tofef Aafataŋ kee ni.

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Daniel 2:45

Aa nan kan litakpal aah ker nyan ni lijool aamɔgbeln aan unii ubaa aa meeh li, le li nan yun tiwanaankaan ni bi di tikur, ni tikumann, ni tiyakr, ni tikunabr, ni salmaa naan ni na. Uwumbɔr u kpa mpɔɔn sakpen na bi tuk si tiwan ni ga ŋa n‑yoonn mu choo na la. M tuk si saah daŋ pu na ni taatataa mu chob la.”

Maika 5:8

Binib bi gur ki ŋmal ŋitimbol ŋiken ni na ga li bi ke uchinn u bi ban tijikaar kichook ni, bee kipihkpaamook ni na la: u ga koo ipiih ni, le ki chur i, le ki daa par par i, le yaan kan nterm nibaa chee.

Matiu 21:44

Unii u lir litakpal ngbaan pu na, u ga kool. Unii u litakpal ngbaan lir u pu na, li ga nan u ke ntayon na.”]

Tibɔkpiirkaan 12:5

Le upii ngbaan ma ubijabo u ga li joo ŋinibol mɔmɔk mpɔɔn pu na. Le Uwumbɔr yoor ubo ngbaan di buen ubaa chee paacham, waabɔrjal chee.

Tibɔkpiirkaan 19:15

Le kijaak aajuk ki ka na bi umɔb ni, ke u ti nyaŋ ŋinibol mɔmɔk. U ga di tikur aadabil ki li joo bi mpɔɔn pu, ki ga ŋa bi ke binib aah taar ŋisubil pu libuusakpeln ponn ni ki nyani ŋaanyun pu na, le ki mɔk bi Uwumbɔr Mpɔɔnsakpiindaan aah gee liŋuul pu na.