Ilahn 19:8 - Uwumbɔr aagbaŋ

⁸ Uwumbɔr aakaal ye ibamɔn la, le binib bi kii tii i na kpa mpopiin. Uwumbɔr aakaal si chob la, le ki tii unibɔn aasui ŋuntii.

Ilahn 19:8 ပူးပေါင်းရင်းမြစ်များ

Mpiin 26:5

M ga ŋa tinyoor ŋa aa pu; ba pu? aate Abraham nan kii maamɔboln ki joo maakaal ni maakoobil mɔmɔk mbamɔm.”

2 Bibɔrb 17:37

Ni li joo ikaal ni mmɔkm mu m ŋmee tii nimi na. Ni taa ki kii tii ŋiwaa,

Nehemia 8:12

Kina pu le binib ngbaan mɔmɔk kun bido ki ti jin, ki nyun, ki kpa mpopiin, ki yakr baah kpa pu na tii biken; ba pu? bi bee baah karn pu tii bi na aatataa.

Nehemia 9:13

Aa nan sunn ni bi chee Sainai Aajool chee; nima chee le aa nan len bi chee tibɔr ki tii bi ikaal i ŋan na, ni mbaem mu kpa ntataa na.

Ilahn 105:45

aan ni cha bi kii waamɔb ki li joo waakaal. Pak Uwumbɔr man.

Ilahn 111:7

U bi chob le ki tun waatun mɔmɔk waah puu ke u ga ŋa pu na; aa ga ŋmaa li kpa waakaal mɔmɔk pu kipupuk.

Ilahn 119:105

Saamɔboln ye karyaa u mɔk mi nsan na la, le ki wiin maasan ni.

Ilahn 119:12

Uwumbɔr, m pak si; kina pu na, mɔk mi saasan.

Ilahn 119:121

M tun tiwan ni ŋan ki si chob na, taa di mi tii maadim,

Ilahn 119:128

Kina pu na, m dii saakaal mɔmɔk; le kaa gee nsan mumɔk kaa ŋan na.

Ilahn 119:130

Saakaal aatataa tii inimbiwoln la, le ki tii maanyidam nlan.

Ilahn 119:14

M gee ke m li dii saakaal ki jer ke m li kpa liwangosakpeln.

Ilahn 119:143

Tibɔr muk mi sakpen, le saakaal ma joo ni mi mpopiin.

Ilahn 119:16

Saakaal tii mi mpopiin, maan suln saakaal bɔr.

Ilahn 119:171

Saah mɔk mi saakaal na, m ga li pak si n‑yoonn mɔmɔk.

Ilahn 119:24

Saah mɔk mmɔkm pu na tii mi mpopiin; muma le ye maasusur.

Ilahn 119:40

M gee ke m joo saakaal; saabimbinyaan pu, tii mi limɔfapɔln.

Ilahn 119:54

N‑yoonn siib mu ponn ni m bi kitiŋ kee pu na, m di saakaal naan ilahn.

Ilahn 119:80

Cha m li joo saakaal, saah ban pu na, ki nya nlirm aanimɔɔn ni.

Ilahn 119:92

Maapopiin aah nyan ni saakaal ni na, kina pu le maafalaa aa ku mi.

Ilahn 12:6

Aa ga ŋmaa tii Uwumbɔr aah len pu na naadii; waah len pu na ye ibamɔn ke tikunabr ti bi pun ti mmii ni nfum mulole ke bi nyan taajɔŋ na la.

Ilahn 13:3

Ndindaan Uwumbɔr, lik mi, ki gar mi. Giin maapɔɔn tii mi, taa cha m kpo.

Ilahn 40:8

Maawumbɔr, m gee sakpen ke m ŋa saageehn, m joo saamɔkm nsui ni la.”

Ilahn 93:5

Uwumbɔr, saakaal bi n‑yoonn mɔmɔk, le Saadichal sil bi chain n‑yoonn mɔmɔk.

Nnyam 18:16

N‑yoonn mu binib bilee kpa kinikpakpak na, bi ga dan m chee, le m bee u aabɔr ŋan na, le ki tuk bi Uwumbɔr aakaal, ni waah ban pu na.”

Ŋiyataŋak 2:6

Uwumbɔr le tii nlan; uma chee le nlan, ni ichiin, ni tiwan aatataa aabeem nyani.

Ŋiyataŋak 30:5

“Uwumbɔr joo waah puu tipuur ti na mɔmɔk. U kii binib bi mɔmɔk ban waaterm na.

Ŋiyataŋak 6:23

Baamɔkm ye nwiin mu moor lak lak na la, baasurm ga ŋmaa mɔk si saah ga li bi pu na.

Aisaya 64:5

Aa yin binib bi gee ke bi li ŋani ni ŋan na, binib bi teer saah ban pu na, ke bi dan aa chee. Aa nan gee ti pu liŋuul, le ti nan beenin tun titunwanbir; hali saaŋuusakpeln ponn ni ti nan beenin tun titunwanbir ki nyan ni n‑yaajayoonn.

Jeremia 15:16

Aa len m chee tibɔr le m pel ki ŋun ti mɔmɔk. Tidindaan Uwumbɔr Mpɔɔnsakpiindaan, m ye sin yoo la, le saabɔr tii mi mmɔɔn, ni mpopiin.

Esekiel 36:27

M ga di Maafuur Nyaan ŋa ni ponn ni aan ki cha ni li joo maakaal, ni maah mɔk nimi ke ni li ŋani pu na mɔmɔk.

Rom Yaab 3:20

Ubaa aan ŋmaa len ke waah joo Uwumbɔr aakaal mbamɔm pu na, waabɔr ŋan Uwumbɔr chee. Uwumbɔr aakaal le mɔk binib ke bi ye titunwanbirdam la.

Rom Yaab 7:22

M gee Uwumbɔr aakaal nsui ni.

Rom Yaab 7:7

Nima pu na, ti ga len ke Moses aakaal aa ŋan aa? Mu ŋan. Nkaal na yaa kaa ba bi kan, maa ba ga bee titunwanbir. Nkaal na yaa kaa ba len ke “Taa li kpa iniman” kan, maa ba ga bee ke iniman ye titunwanbir.

Galantiya 2:19

Maa ki dii nkaal ngbaan ke unii u kpo na aah kaa ki dii pu na la. Ni naahn ke nkaal ngbaan aah ku mi le na. M yii nkaal ngbaan ke m li bi Uwumbɔr aah ban pu na la.

Galantiya 3:21

Moses aakaal kpak Uwumbɔr aah puu tipuur ti na aa? Aayii. Nkaal ngbaan yaa ba ŋmaa tii timi limɔfal kan, nkaal ngbaan pu le ti ba ga ŋmar.

Ikaal 16:11

Nimi, ni nimi aamaal, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim pu na mɔmɔk li kpa mpopiin Uwumbɔr aanimbiin ni. Ni mɔmɔk ŋa kina nin chee ni kpaani ki dooni Uwumbɔr na.

Ikaal 16:14

Nimi, ni nimi aabim, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim ni na kpaan ji mu, ki li mɔɔni, ki li kpa mpopiin.