Ilahn 19:13 - Uwumbɔr aagbaŋ

¹³ ki ki nyan mi titunwanbir ti m nyi ki tun ti na ni; taa cha ti li kpa mpɔɔn m pu, aan m li ŋan chain ki taa li kpa titunwanbir tibaa.

Ilahn 19:13 ပူးပေါင်းရင်းမြစ်များ

Mpiin 20:6

Le Uwumbɔr nan giin mɔk u tidaŋ ni ke, “Mbamɔn, m nyi ke saah ŋa pu na, saa kpa taani, nima pu le maa kii ke aa doon u chee aan ki taa li kpa taani m chee.

Job Aagbaŋ 34:32

Aa baa Uwumbɔr ke u mɔk si saataani, ki kii ke aa ga di cha titunwanbir aa?

Ilahn 11:7

Uwumbɔr ŋani ni ŋan na, le ki gee lituln li ŋan na; le binib bi kpa mbimbinyaan na ga li bi unimbiin ni.

Ilahn 119:133

Saah nan puu pu na, taa cha m lir, ki taa cha kinimbɔŋ nyaŋ mi.

Ilahn 18:23

U nyi ke maa ŋa taani ubaa, u nyi ke maa tun titunwanbir.

Ilahn 7:10

Uwumbɔr le ye maakikiir; u gaal binib bi mɔmɔk kii waamɔb na lir.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Nnyam 21:14

Tɔ, unii aaŋuul yaa fii, le u nyi ki ku uŋeen aatɔ kan, bi ku u mu, hali u yaa san buen maatork aabimbiln chee ke u ŋmar kan, ni ku u.

Liifai Yaab 4:13

Israel yaab mɔmɔk le yaa tun titunwanbir Uwumbɔr chee ki bii waakaal kaa nyi,

Liifai Yaab 4:2

ke u tuk Israel yaab ke ubaa yaa kaa nyi ki peln bii Uwumbɔr aakaal kan, waah ga ŋa pu na sɔ:

Liifai Yaab 4:22

Utinjoor le yaa tun titunwanbir ki bii Uwumbɔr aakaal kaa nyi,

Liifai Yaab 4:27

Unii u kaa ye utinjoor, bee utotoor na, yaa tun titunwanbir ki bii Uwumbɔr aakaal kaa nyi,

Lituln 24:16

N‑yoonn mɔmɔk m pɔɔni mbaa ke m taa li kpa taani Uwumbɔr ni binib chee.

2 Piita 2:10

Binib bi dii tiwon aah ban pu na, ki gɔr kidagook, kaa kii unii ubaa aamɔb na, Uwumbɔr ga daa bitafal ki jer waah ga daa biken aatafal pu na. Biŋmaŋmannim bi bi ni ponn ni na aatafal pɔɔ la. Baa san unii ubaa. Bi seei Uwumbɔr aatuuntiib, kaa san ijawaan.

1 Samuel 25:39

David aah ŋun ke Nabal kpo na, le u bui ke, “Pak man Uwumbɔr. U teen Nabal waah seei mi pu, ki mu aa cha min waanaagbiija tun titunwanbir ti na pu. Uwumbɔr daa Nabal aatafal, waatunwanbir pu la.” Le David tun ti bui Abigail ke u mɔn u.