Ilahn 19:12 - Uwumbɔr aagbaŋ

¹² Ubaa aan ŋmaa kan waah yenn waatuln ponn ni nin chee na; Uwumbɔr, nyan mi titunwanbir ti bɔr na ni,

Ilahn 19:12 ပူးပေါင်းရင်းမြစ်များ

Job Aagbaŋ 6:24

Tɔ, mɔk mi, bui mi maataani aah ye pu na. M ga li ŋmin ki pel aa chee.

Ilahn 139:2

Aa nyi maah ŋani tiwan nimɔk na; aa bi dandar le ki nyi maah dak pu na.

Ilahn 139:6

Saah nyi mi pu na ti nyaŋ sakpen a; ni nyaŋ maah nyi pu na.

Ilahn 40:12

Tibɔr pam le mann goln mi, tibɔbir ti maan ŋmaa kahn ti na. Maatunwanbir chuu mi a, le maa ki waa; ti wiir jer n‑yil paab aayikpir, le ntaakpab yɔl.

Ilahn 51:2

Finn nyan maabɔbir mɔmɔk ki cha m nyan maatunwanbir ni chain.

Ilahn 65:3

Binib ga nya ni kookoo ki dan aa chee, baatunwanbir pu. Timi aataani nyaŋ timi la, le aa ma joo cha pinni timi aataani.

Ilahn 90:8

Aa joo timi aatunwanbir bilni aanimbiin ni, hali timi aatunwanbir ti bɔr na, aa joo bilni nin chee aa ga li waa ti na la.

Nnyam 24:12

Uwumbɔr nan ki bui Moses ke, “Dan m chee lijool ngbaan paab. Buyoonn aa bi do na, m ga di ŋitakpal ŋilee ŋi m ŋmee ikaal ŋi pu na tii si, aa ti di mɔk binib ngbaan.”

Ŋiyataŋak 13:13

Aa yaa yii nsurnyaan kan, aa bi ban tibɔr la; gaa mu aan ki li kpa limɔfal.

Aisaya 64:6

Ti mɔmɔk tun titunwanbir; hali tima aah dak ke taah tun pu na ŋan sakpen na ye tijɔŋ le ki ti doo. Timi aatunwanbir pu, ti naahn tifar ti kuur aan libuln daar cha na la.

Jeremia 17:9

Ŋma ga ŋmaa bee unibɔn aasui? Tiwan nibaa aa bi ki ŋmaa ŋmanni ke unibɔn aasui na; ubaa aan ŋmaa bee mu aah bii sakpen pu na.

1 Korenti 4:4

Maa nyi tiwan nibaa nsui ni aan naa ŋan. Nimina mu aa mɔk ke maabɔr ŋan Uwumbɔr chee. Tidindaan le ye u ji mi tibɔr na.

Ikaal 5:29

Bima yaa kpa nlandak ngbaan aaboln kina n‑yoonn mɔmɔk kan, ki yaa ga pak mi ki kii tii maakaal mɔmɔk kan, tiwan mɔmɔk ga li ŋan tii bi, ni biyaabitiib, ki cha n‑yoonn mu kaa kpa ndoon na.

Ikaal 5:32

“Nimi Israel yaab, ni pɔɔn nibaa man, aan ki li ŋani tiwan nimɔk Nidindaan Uwumbɔr bui ke ni ŋa na. Ni taa yii waakaal mubaa man.

Hiibru Yaab 9:7

Utotoorninkpel baanja le koo ni chain chain aapepel li bi libool ngbaan ponn ni na. U koo ni nima chee libiln mɔmɔk nfum mbaa baanja la. U yaa koo ni kan, see u joo ni nsin nan tii Uwumbɔr, uma ubaa aatunwanbir ni binib aatunwanbir pu.

1 Jɔnn 1:7

Ti yaa dii nwiihn aasan ke Uwumbɔr aah bi nwiihn ni pu na kan, ti kpaan kijɔtiik tɔb chee la. Le Uwumbɔr Aajapɔɔn Yesu Kristo aasin finni tipobil ki nyani titunwanbir mɔmɔk.