Ilahn 19:11 - Uwumbɔr aagbaŋ

¹¹ Ŋi tii mi, saatutunn nlan; le aa pa mi maah kii tii ŋi pu na.

Ilahn 19:11 ပူးပေါင်းရင်းမြစ်များ

2 Bibɔrb Aabɔr 19:10

N‑yoonn mumɔk niŋeen aatɔtiib bi nyan ni kitiŋ mɔk ni ki joo ni linikul aabɔr, bee bi yaa bii nkaal, bee bi yaa koor likoobil na kan, ni mɔk bi baah ga joo bibaa pu libɔjil ngbaan ni na, aan bi taa koo Uwumbɔr aataani ni. Ni yaa kaa ŋa kina kan, nimi ni nido yaab ngbaan ga kan Uwumbɔr aaŋuul aah pɔɔ pu na. Le ni yaa tun nimi aatuln mbamɔm kan, naan lir tibɔr tibaa ni.

Ilahn 119:103

Saakaal mɔ sakpen a, i mɔ jer tisiir.

Ilahn 119:11

M joo saakaal nsui ni, ke m taa tun si titunwanbir.

Ilahn 119:72

Saah tii ikaal i na kpa tinyoor tii mi ki jer dulnyaa wee ni aamombil mɔmɔk.

Ŋiyataŋak 11:18

Bibiindam aa sil kani tinyoor tibaa, tɔ, aa yaa ŋani tiwan ni ŋan na kan, aa ga sil kan kina aaŋann.

Ŋiyataŋak 24:14

kina le nlan mu ŋan tii aasui. Aa yaa kpa nlan kan, aa ga li kpa limɔfal li ŋan na.

Ŋiyataŋak 29:18

Litimbol li kaa kpa Uwumbɔr aasurm na aa bi mbamɔm. Unii u joo Uwumbɔr aakaal na le kpa mpopiin.

Esekiel 3:3

U nan ki bui ke, “Unibɔn, di kigbakpaikee ki m di tii si na ŋmɔ; cha ki gbiin aapuul.” M nan di ki ŋman, le ki mɔ mmɔb ni ke tisiir na.

Matiu 3:7

Le Jɔnn kan Farisii yaab ni Sajusii yaab pam dan u chee ke u muin bi nnyun ni. Le u baa bi, “Nimi ijagen aabim, ŋma sur nimi ke ni nya ntafadaan mu choo na ni?

Matiu 6:18

aan binib taa bee ke aa lul bumɔb. Aate Uwumbɔr u bi libɔɔl ni na le ga bee. Le Aate Uwumbɔr u kan saah ŋa pu libɔɔl ni na ga tii si tinyoor.”

Matiu 6:4

Tii u libɔɔl ni. Le Aate Uwumbɔr u kan saah ŋa pu libɔɔl ni na ga pa si binib aanimbil ni.”

Matiu 6:6

Sin ma kan, aa yaa mee Uwumbɔr kan, koo saadiik ni, ki di jaaleŋ piin, ki mee Aate Uwumbɔr u bi libɔɔl ni na. Le Aate Uwumbɔr u kan saah ŋani pu libɔɔl ni na ga tii si tinyoor.

Lituln 20:31

Nima pu na, ni li nyi man, ki li teer ke ŋibin ŋitaa le na, m nan bi ni chee ki sur nimi ni tinyunyunn, nwiin pu ni kinyeek.

1 Korenti 4:14

Maa ŋmee tibɔr ngbaan m jinn nimi inimɔɔn. M ban m sur nimi ke maabigeehm na la.

1 Tesalonika 5:14

Tinaabitiib, ti gaŋ nimi, ke ni sur binib bi kaa ban bi tun lituln na, ki li pɔɔni binib bi aataakpab yɔl na aataakpab, ki ter binib bi kaa pɔɔ na, ki li kpa limɔr binib mɔmɔk pu.

Hiibru Yaab 11:26

U nan bee ke u yaa kan ŋisiibil Kristo pu kan, u ga nan kan tinyoor ti jer Ijipt aatiŋ aawankpal mɔmɔk na. Ba pu? utafal nan bi tinyoor ti Uwumbɔr ga tii u na ni la.

Jemisi 1:25

Tɔ, unii yaa dakl lik nkaal mu ye mbamɔm ki gaal timi lir na, ki yaa beenin dii mu, ki yaa kaa ye unii u pel ki sulni na kan, ki ye unii u ŋani mu aah len pu na kan, Uwumbɔr ga ŋa tinyoor ŋa udaan ngbaan aatuln pu.

2 Jɔnn 1:8

Li nyi man, taa cha nimi aatuln bee yɔli. M ban ke ni kan naah tun lituln li na aapiin mɔmɔk la.

Tibɔkpiirkaan 14:13

Le m ŋun nneel len paacham ke, “Ŋmee ke: Bitekpiib bi nan dii Tidindaan na, waanyoor bi bi pu dandana wee ki joo cha.” Le Uwumbɔr Aafuur Nyaan kii ke, “Ni ye mbamɔn; ba pu? bi nan tun litunyaan linimaln. Baah kpo na, le bi fuur. Baah tun pu na mu dii bi.”