Ilahn 18:9 - Uwumbɔr aagbaŋ

⁹ U nan daa kar kitaalangbaŋ ki sunn ni, le ntaalangbam bɔmbɔm bi utaapɔtan taab.

Ilahn 18:9 ပူးပေါင်းရင်းမြစ်များ

2 Samuel 22:10

U nan daa kar kitaalangbaŋ ki sunn ni, le ntaalangbam bɔmbɔm bi utaapɔtan taab.

Ilahn 50:3

Timi Aawumbɔr choo, le kifuuk dii u; mmii mu gaal mpɔɔn pu na le loln u pu nsan, le libuln li pɔɔ sakpen na mann goln u.

Ilahn 68:4

Gaa ilahn tii Uwumbɔr man, gaa ilahn ki pak waayimbil man; toor nsan tii Uwumbɔr u chuun ntaalangbam pu na man. Waayimbil le ye Uwumbɔr, cha nisui li piin unimbiin ni man.

Ilahn 97:3

Mmii le lolni u pu nsan le ki wu waadim bi mann goln u na.

Nnyam 19:18

Le Sainai Aajool paab kpaln iŋmanyuu ŋmeen, ba pu? Uwumbɔr nan nyan ni paacham ki sunn ni li pu mmii ponn ni la. Le iŋmanyuu fii jon paacham ke mmii sakpiin aaŋmanyuu na, le binib mɔmɔk aawon gbaa sakpen.

Aisaya 51:6

Waan lik kitaapaak ngbaan; lik taab mu, kitaapaak ngbaan ga wɔŋ ke iŋmanyuu na; le kitiŋ mu ga ji deer ki ti doo ke likekekpokl na, le kaanib ga kpoi ke tisibir na. Le maah ga joo ni ŋŋmarm mu na aan li kpa ndoon; maanyaŋ mu aan li kpa ndoon.

Aisaya 66:15

Uwumbɔr ga di mmii le dan. U ga dan mala ke kibuŋ na le ki nan daa waah gee binib bi pu liŋuul na aatafal.

Joel 3:16

Uwumbɔr tar ke uchinn na Sionn aajool pu; uneel nyan ni Jerusalem aatiŋ ni, ke utaal aah tar pu na; le kitiŋ ni kitaapaak jii. U mu tee ga li kii waanib.

Matiu 24:29

“N‑yoonn ngbaan aafalaa aapuwɔb, le paacham aawan aan ki li bi mbamɔm. Nwiin ga bɔln. Uŋmal mu aan ki li wiin. Iŋmabi mu ga lir.

Tibɔnyaan ti Mak ŋmee ti na 15:33

Nwiin kaasisik ni, le itingbaan mɔmɔk bɔln, ki ti saa nwiin aah kpar pu na.

Jɔnn 13:7

Le Yesu bui u, “Dandana, saa bee maah ŋani pu na aatataa. N‑yoonn choo le aa ga nan bee.”

Ikaal 33:26

Israel aanib, ubaa aa ki bi ke nimi Aawumbɔr na, uma le bi paacham, ntaalangbam ni, ki ter nimi.

Hiibru Yaab 12:26

N‑yaayoonn na waaneel nan cha kitiŋ deŋ. Dandana wee u puu tipuur ke u ga ki cha kitiŋ ni paacham mɔk deŋ.

2 Piita 3:10

Tidindaan aawiindaal ga fuu ni ke unaayuk aah fuur ni pu na la. Liyaadaal ngbaan le paacham ga faa kifuuk sakpen ki jer. Mmii mu ton sakpen na ga donn paacham aawan mɔmɔk. Kitiŋ, ni tiwan nimɔk bi kitiŋ pu na mu ga gaa mmii.

Tibɔkpiirkaan 20:11

Le m kan libɔrjal pipiln sakpeln, ni u ka li pu na. Le kitiŋ ni paacham san nyan u chee, kaa ki bi.