Ilahn 18:8 - Uwumbɔr aagbaŋ

⁸ Iŋmanyuu nan nyan ni umɔfataabun ni, le mmiigaal, ni mmiisakɔn nyan ni umɔb ni.

Ilahn 18:8 ပူးပေါင်းရင်းမြစ်များ

Mpiin 19:28

le ki yaar lik Sodom ni Gomora aatim ngbaan, ni kifataŋ ngbaan mɔmɔk, le ki kan iŋmanyuu feei mu ni, ki naahn kimosakpeŋ aaŋmanyuu aah feei pu na.

Job Aagbaŋ 41:19

Imiigaal gaal le ki nya ni umɔb ni, le mmiibil poor ki nya ni.

Ilahn 104:32

U yaa lik kitiŋ pu kan, ki jii la; u yaa meeh ŋijoo kan, le iŋmanyuu nya ni.

Ilahn 11:6

U cha mmiisakɔn ni chirbil u gaal mmii na lir ni bibiindam pu; u joo libuln li ton na le dar bitafal.

Ilahn 21:9

U yaa nyan ni kan, u ga bii bi mɔmɔk doo ke mmii mu wu na la. Uwumbɔr aaŋuul ni le u ga di bi mɔmɔk nab ke mmii mu wu na.

Ilahn 50:3

Timi Aawumbɔr choo, le kifuuk dii u; mmii mu gaal mpɔɔn pu na le loln u pu nsan, le libuln li pɔɔ sakpen na mann goln u.

Ilahn 74:1

Uwumbɔr, ba ŋa aa san cha mi kina? Aa gee aabaa aanib pu liŋuul li kaa kpa ndoon na la aa?

Aisaya 24:18

Unii umɔk pɔɔn ubaa ke u nya ijawaan ni na ga lir libuul ni; le umɔk pɔɔn ubaa ke u nya libuul ni na, gaawɔb ga chuu u. Ntaanyusakpem ga nya paacham ki lir ni, le ŋitinyik ga deŋ.

Daniel 7:10

ki naahn ke nnyun le aah puu cha na. Binib ŋichur ŋichur le nan bi nima, bi nan ye binib churbakaa, ki si gbɔk u, bi ti tun waatuln tii u. Le tibɔr aajim aayoonn fuu ni a, le bi kpar tigbann.

Liifai Yaab 10:2

Baah ŋa kina na, libuul ngbaan ni, le Uwumbɔr cha mmii dan le ki nan ku bi, unimbiin ni.

Amos 4:11

“M nan doo nimi bibaa ke maah nan doo Sodom ni Gomora yaab pu na. Nimi bi nan ŋmar na nan naahn limiidɔtɔgeln la. Nee mu aa cha ni gir ni m chee.” Min Uwumbɔr le len kina.

Nkahm 11:1

Israel yaab nan ki piin ki ŋulni ke bi bi falaa ni, le Uwumbɔr ŋun baah ŋulni pu na, le liŋuul chuu u, le u cha mmii sunn ni bi pu. Mu nan wun baah ka nin chee na lipepel libaa wɔb, ki bii nima chee.

Nkahm 16:35

Le Uwumbɔr nan cha mmii nyan ni, ki nan wun bijab ikui ilee ni piiŋmu bi nan joo ni tulalee aayon waabimbiln chee na.

Ikaal 29:20

Le Uwumbɔr aan di cha pinn udaan ngbaan. Waaŋuul ga fii u pu ke mmiigaal na, le tibɔbir ti mɔmɔk bi kigbaŋ kimina ni na ga lir udaan pu, le Uwumbɔr ga kuln u doo.

Tibɔkpiirkaan 11:5

Unii ubaa yaa ban u ŋa bi nibaa kan, mmii ga nyan bimɔi ni ki ku baadim. Unii ubaa yaa ban u ŋa bi nibaa kan, see bi ku u kina.