Ilahn 18:50 - Uwumbɔr aagbaŋ

⁵⁰ Uwumbɔr le tii mi, waabɔr, linyaŋ sakpeln ngbaan; u mɔk waah lee u na ngeehm n‑yoonn mɔmɔk la, u mɔk mi, David, ni n‑yaabitiib waageehm ki ti saa n‑yoonn mu kaa kpa ndoon na.

Ilahn 18:50 ပူးပေါင်းရင်းမြစ်များ

2 Samuel 7:13

Uma le ga nan maa lidichal tii mi, le m ga cha waanaanjirb aan doo.

1 Bibɔrb Aabɔr 17:27

M mee si ke aa biin n‑yaabitiib pu aan bi ji saah lik ki faar bi pu na aamɔɔn. Sin Uwumbɔr le biin bi pu, le saanyoor ga li bi bi pu ki ti saa n‑yoonn mu kaa kpa ndoon na.”

Ilahn 132:10

Uwumbɔr, saah nan puu tipuur ti tii saatutunn David na; taa yii saah lee ubɔr u na.

Ilahn 144:10

Aa tii bibɔrb linyaŋ, ki gaa saatutunn David lii.

Ilahn 2:6

U bui ke, “Maagongoln Sionn li bi chain na pu, le m maa kaan maabɔr.”

Ilahn 57:10

Saageehm mu bi n‑yoonn mɔmɔk na fuur paacham; le saaŋann taln ti fuu kitaapaak.

Tibɔnyaan ti Luk ŋmee ti na 1:69

ki tii timi unii u ga gaa timi lii, ki kpa mpɔɔn, ki ye waatutunn Ubɔr David aamaal ponn ni aanii ubaa na.

Rom Yaab 1:3

Tibɔnyaan ngbaan le ye Ujapɔɔn aabɔr. Uma le ye Tidindaan Yesu Kristo. Waah nan kpaln unibɔn na, bi nan ma u Ubɔr David aamaal ponn ni.

Rom Yaab 11:29

Uwumbɔr yaa lee binib ki ŋa tinyoor ŋa bi pu kan, waan kpeln waalandak.

Galantiya 3:16

Uwumbɔr nan puu tipuur tii Abraham ni uyaabil la. Waa len ke uyaabitiib, kaa len ke kinipaak, u len ke unibaan la. U nan len ke uyaabil la. Uma le ye Kristo.

1 Samuel 16:1

Uwumbɔr nan bui Samuel ke, “Aa ga li wii Sɔɔl pu ni ti yunn kinye? M yii u ke u taa ki li ye Israel yaab aabɔr. Tɔ, ban olif aakpan ki buen Betlehem ni, uja u bi yin u ke Jese na chee; ba pu? m lee ujapɔɔn ubaa ke u li ye ubɔr.”

1 Samuel 2:10

Uwumbɔr aadim ga kuln; u bi paacham ki ga teen bi pu ke utaal na. Uwumbɔr le ga ji dulnyaa mɔmɔk tibɔr; u ga tii waabɔr mpɔɔn, u ga cha waah lee ubɔr u na kan linyaŋ.”