Ilahn 18:43 - Uwumbɔr aagbaŋ

⁴³ Aa gaa mi binib bi yii maamɔb na chee lii, ki ŋa mi ŋitimbol aayidaan, maah kaa nan nyi binib bi na le gur ye maatutum.

Ilahn 18:43 ပူးပေါင်းရင်းမြစ်များ

2 Samuel 19:9

Kitiŋ ngbaan mɔmɔk pu, bi nan bi jaa biŋmeen la. Bi nan bui tɔb ke, “Ubɔr David le gaa timi lii, timi aadim chee. U nan gaa timi Filistia yaab chee lii, le dandana wee u san cha kitiŋ kee, Absalom pu.

2 Samuel 3:1

Kijaak ki nan bi bijab bi si Sɔɔl aadichal aachaŋ ni na, ni bijab bi si David aachaŋ ni na nan yunn pam. David nan moo kani mpɔɔn, le waadim ma moo diŋni.

Ilahn 108:9

Moab aatiŋ le ga li ye maasapeek; m ga di maanaatak di mee paan Edom pu, ki mɔk ke ki ye min mbaa aatiŋ la. M ga nyaŋ Filistia aatiŋ le ki teen mpɔɔn pu.”

Aisaya 49:6

Uwumbɔr bui ke, “M kpa lituln li pɔɔ na ke sin maatutunn tun. Naa ye ke aa giin Israel yaab bi ŋmar na aapɔɔn tii bi baanja, m ga cha aa li ye ŋitimbol mɔmɔk aawiihn ki tii dulnyaa aanib mɔmɔk nsan ke bi ŋmar.”

Aisaya 52:15

U mu ga ŋa ŋinibol pam chain, u pu le bibɔrb ga li ka waa bimɔi, kaa kpa tibaa bi len. Bi ga kan tiwan ni unii ubaa aa mɔk bi na, ki bee tiwan ni baa ŋun ni pu na aatataa.”

Aisaya 55:5

Dandana ni ga kuun biwɔwɔm aatimbol; n‑yoonn mubaa, baa nan nyi nimi, le dandana ma bi ga san ki nan kpaan ni chee. Min, Nidindaan Uwumbɔr, nimi Israel yaab Aawumbɔr u bi chain na ga cha nimina mɔmɔk ŋa kina; m ga nyuŋ nimi ki tii nimi liyimbil.”

Hosea 1:10

Israel aanib ga li wiir ke nnyusakpem aatambol na la. Bi ga li wiir jer baah ga kahn, bee bi ŋaŋ bi pu na. Le Uwumbɔr bui bi n‑yoonn mue ke, “Naa ye maanib,” tɔ, n‑yoonn choo le u ga nan bui bi ke, “Ni ye min Uwumbɔr u bi na aabim la.”

Lituln 5:31

ki nyuŋ u, ki di u kaan uŋangii wɔb, u li ye timi Aayidaan u gaal timi lir, ki tii timi Israel yaab nsan ke ti kpeln timi aabimbin na, aan Uwumbɔr di cha timi aatunwanbir pinn timi.

Rom Yaab 15:12

Uwumbɔr aabɔnabr Aisaya mu nan len ke, “Jese aayaabil ga fuu ni. Uwumbɔr ga tii u mpɔɔn u li ye binib bi kaa ye Juu yaab na aayidaan. Le bi ga gaa u ki kii.”

Rom Yaab 15:18

M ban m tuk nimi Kristo aah cha m tun lituln pu na la. Maan len biken aatuln pu. U cha m tuk binib bi kaa ye Juu yaab na waabɔr ki tun lijinjiir aatun, ke bi kii waamɔb.

Rom Yaab 16:26

Dandana wee, ti nyan mpaan pu. Uwumbɔr aabɔnabtiib nan ŋmee ti waagbaŋ ni. Uwumbɔr, u bi n‑yoonn mu kaa kpa ndoon na le siin ke ŋinibol mɔmɔk ŋun tibɔnyaan ngbaan, aan ki bee, ki tii u naadii, ki kii waamɔb.

Efesusi 1:22

Uwumbɔr di tiwan mɔmɔk di ŋa uma Kristo aataapɔtan taab, ki ŋa u tiwan mɔmɔk aayidaan ki tii waanib.

1 Piita 2:10

N‑yoonn mbaa naa nan ye Uwumbɔr aanib. Dandana wee ni ye Uwumbɔr aanib la. N‑yoonn mbaa Uwumbɔr aa nan san nimi kinimbaak. Dandana wee u san nimi kinimbaak.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”