Ilahn 18:35 - Uwumbɔr aagbaŋ

³⁵ Uwumbɔr, aa kii mi, le ki gaal mi lir, saaterm tii mi liyimbil, le saapɔɔn tii mi ŋŋmarm.

Ilahn 18:35 ပူးပေါင်းရင်းမြစ်များ

2 Samuel 22:36

Uwumbɔr, aa kii mi, le ki gaal mi lir; saaterm tii mi liyimbil.

Ilahn 144:1

Pak Uwumbɔr man, u ye maakikiir la. U gor mi kiir kijaak ki toor mi kiir butɔb.

Ilahn 17:7

Kpiir saageehm mu kpa iwaan na ki gaa mi lii; m yaa si gbɔk si kan, m fuur maadim chee.

Ilahn 28:7

Uwumbɔr kii mi le ki lik mi; le m di naadii tii u. U tii mi nterm ki piir nsui; m joo mpopiin aalahn le pak u.

Ilahn 5:12

Uwumbɔr, aa ŋani tinyoor ŋani bi keei saamɔb na pu; le saageehm kii bi ke kijaak aapeln na.

Aisaya 22:3

Nimi aaninkpiib mɔmɔk san, kaa kee too mpiin mubaa, le baadim chur bi.

Aisaya 40:11

U ga li joo waanib ke upihdaan aah joo waapiih pu na la; u ga kuun ipihbi nan kpaan tɔb chee, ki yoor i uŋaal ni, ki ga loln inatiib pu nsan suuna.

2 Korenti 10:1

Min Pɔɔl mbaa gaŋni nimi la. Ni ponn ni bibaa len ke maah nan bi ni chee na, maa kaar nimi, ke m yaa bi nibaa chee kan, m kpa lipobil ki ŋmee kigbaŋ ki sur nimi. Min Pɔɔl bi suuna ke Kristo aah bi pu na, ki gaŋni nimi ke ni toor nimi aabimbin man,

Ikaal 33:29

Israel yaab, ni kpa mpopiin pam. Lilanibol kpa liyimɔɔn ke nimi na? Nimi aatimbol le Uwumbɔr gaa li lii. Uwumbɔr ubaa le ye nimi aakikiir, ki ter nimi, ki ga li kii nimi, ki tii nimi linyaŋ. Nimi aadim ga san nimi ijawaan ki gaŋ nimi ke ni san bi kinimbaak, le ni ga taa taa bi pu.