Ilahn 17:3 - Uwumbɔr aagbaŋ

³ Aa nyi nsui. Aa dan m chee kinyeek ki nan tɔŋ mi mbamɔm, ki kan ke maa kpa titunwanbir tibaa.

Ilahn 17:3 ပူးပေါင်းရင်းမြစ်များ

1 Bibɔrb Aabɔr 28:9

Le u bui Solomonn mu ke, “Maabo, aa li nyi aate Aawumbɔr ki li dii u ni aasui mɔmɔk ni lineen. U nyi timi aalandak ni timi aageehn mɔmɔk. Aa yaa di aabaa tii u kan, u ga gaa si; tɔ, aa yaa fenn aapuwɔb tii u kan, u ga siir cha si kookoo la.

1 Bibɔrb Aabɔr 29:17

M nyi ke aa tɔŋni unii mɔk aasui lik, le aasui piin binib bi aabimbin ŋan na pu. Mbimbinyaan ni ngeehm ponn ni le m di nsui mɔmɔk tii si nimina mɔmɔk ki kan ke binib bi mɔmɔk kuun do na kpa mpopiin le ki joo ni si ipiin.

Job Aagbaŋ 23:10

Le Uwumbɔr tee nyi maah yoor litaal limɔk na; u yaa tɔŋ mi kan, u ga kan ke maa kpa tijɔŋ tibaa.

Job Aagbaŋ 24:14

Lichakpitaawoln le unikur finn ki cha u ti ku bigiim, le kinyeek kan, u su.

Ilahn 11:5

U tɔŋni ki lik binib bi ŋan na, ni bi kaa ŋan na mɔmɔk la, kaa gee binib bi kaa dii waakaal na.

Ilahn 119:106

M ga li joo maapuur kpaan ti m puu ke m ga li dii saakaal bamɔnn na.

Ilahn 139:1

Uwumbɔr, aa ŋaŋ mi ki nyi maah bi pu na.

Ilahn 139:23

Uwumbɔr, ŋaŋ mi, ki li nyi nsui ni; tɔŋ mi, ki bee maalandak.

Ilahn 16:7

Pak Uwumbɔr man, ba pu? u mɔk mi nsan, le kinyeek kan, maalandak sur mi,

Ilahn 26:2

Uwumbɔr, tɔŋ mi ki lik mi mbamɔm; lik maah ban pu na, ni maalandak mbamɔm.

Ilahn 39:1

M len ke, “M ga chuu mbaa maatuln chee, ki taa cha nlambil di mi koon titunwanbir ni. Buyoonn titunwanbirdam bi m chee na kan, maan len tibaa.”

Ilahn 66:10

Uwumbɔr, aa tɔŋ timi; baah pu tikunabr mmii ni pu ki nyani tijɔŋ na, kina le aa tɔŋ timi.

Ŋiyataŋak 13:3

Chuu aabaa saamɔliin chee ki li kpa limɔfal. Unii u len tibɔr yɔl yɔl na junni waamɔfal la.

Jeremia 12:3

Tɔ, Uwumbɔr, aa nyi mi; aa kani maah tun pu na, ki nyi maah gee si pu na. Dar titunwanbirdam ngbaan ke ipiih na buen bi ti kɔr bi; li kii bi ki ti saa buyoonn bi ga ku bi na.

Jeremia 50:20

N‑yoonn ngbaan yaa nan fuu ni kan, titunwanbir tibaa aan ki li bi Israel ni, le mbiin mu aan ki li bi Juda ni, ba pu? m ga di cha pinn binib bi m cha bi ŋmar na. Min Uwumbɔr le len kina.”

Hosea 7:6

Mbamɔn, baakpokl wu ke baah pu boroboro nin chee na aamii na la. Kinyeek ni kitaak aawoln pu, baaŋuul nyakr la, le kichakpiik ni kan, li gaa mmii.

Maika 2:1

Tibɔbir bi binib bi dɔ dak titunwanbir pu kinyeek na pu. Kitaak yaa woln, aan bi kan nsan siib na, le bi ŋa titunwanbir ti bi kpokl na.

Sekaria 13:9

Le ligetekr libaa li gur na, m ga tɔŋ bi, ki nyan baajɔŋ, ke baah pu tikunabr mmii ni ki nyani taajɔŋ pu na. M ga tɔŋ bi ke baah tɔŋni salmaa mmii ni pu na. Le bi ga li mee mi, le m ga kii baameel. M ga bui bi ke bi ye maanib la, le bi len bibaa ke min le ye Baawumbɔr.”

Malakai 3:2

Tɔ, ŋma ga ŋmaa sil kina aawiin chee? U yaa nan fuu ni kan, ŋma ga ŋmar? U ga nan li bi ke bukiib bu pɔɔ na la, ki bi ke mmii mu wu nyani tijɔŋ tikur ni na la.

Lituln 11:23

U nan ye unibamɔnn, ki gaa Yesu ki kii mbamɔm, ki gbii Uwumbɔr Aafuur Nyaan. Le u di ti fuu nima. Waah ti fuu nima, ki kan Uwumbɔr aah san binib ngbaan kinimbaak pu pu na, le ni ŋa u mpopiin. Le u sur bi mɔmɔk ke bi cha binimbil li man bi dii Tidindaan aasan mbamɔm. Le binib pam gaa Tidindaan ki kii ki kpee waanib pu.

Lituln 16:9

Kinyeek ngbaan le Pɔɔl daŋ tidaŋ ki kan Masedonia aatiŋ aanii ubaa si u chee ki gaŋni u ke u dan Masedonia aatim ni ki nan ter bi.

1 Korenti 4:4

Maa nyi tiwan nibaa nsui ni aan naa ŋan. Nimina mu aa mɔk ke maabɔr ŋan Uwumbɔr chee. Tidindaan le ye u ji mi tibɔr na.

2 Korenti 1:12

Ti kpa kipupuk; ba pu? ti nyi tisui ni ke ti bi chain. Timi aabimbin bi mbamɔm Uwumbɔr aah ban pu na. Binib aalan le aa cha ti bi mbamɔm, Uwumbɔr aaterm pu, le cha ti bi mbamɔm joo cha dulnyaa wee ni aanib wɔb, ki moo bi mbamɔm joo cha niwɔb.

Jemisi 3:2

Ba pu? ti mɔmɔk yenni sakpen. Unii yaa kaa yenni waabɔlen ponn ni kan, uma le ye unibamɔnn, ki ga ŋmaa chuu tiwon mɔmɔk ti taa ŋa bakaa.

1 Piita 1:7

ba pu? falaa ngbaan ga mɔk ke ni gaa Yesu ki kii mbamɔm aan naa gaa. Naah gaa u ki kii pu na jer salmaa u ga bii na. Bi joo salmaa pu mmii ponn ni ke bi lik ke u ŋan aan waa ŋan. Kina le Uwumbɔr cha ni ji falaa ke u lik ke ni gaa u ki kii mbamɔm aan naa gaa. Ni yaa gaa u ki kii mbamɔm kan, le ni ga kan mpakm ni nnyuŋ bundaln Yesu Kristo ga nyan ubaa mpaan pu na.

1 Samuel 24:10

Aa kan ke dandana wee Uwumbɔr di si ŋa maapɔɔn ni kitakpaluŋ ngbaan ni. Maajab bibaa bui mi ke m ku si, le m san si kinimbaak, ki bui bi ke maan ŋa si taani siib kina; ba pu? Uwumbɔr le lee si ke aa li ye ubɔr.

1 Samuel 24:12

Uwumbɔr ga ji timi aabɔr ki lik u aabɔr bii na. Saah ŋani mi pu na, uma le ga daa aatafal; ba pu? maa ban m ŋa si nibaa kpala.

1 Samuel 26:11

Uwumbɔr aan kii ke m tun unii u uma Uwumbɔr ubaa ŋa u ubɔr na titunwanbir. Cha ti yoor waakpaatuŋ, ni waanyun aatuun, ki li cha.”

1 Samuel 26:23

Uwumbɔr le tii binib bi kpa gaakii ki dii u mbamɔn na ipiin. Din wee u di si ŋa ŋŋaal ni, le maa ŋa si nibaa; ba pu? Uma Uwumbɔr le lee si ki ŋa si ubɔr.