Ilahn 17:13 - Uwumbɔr aagbaŋ

¹³ Uwumbɔr, fii, laŋ maadim aasan ki nyaŋ bi. Di saajaak aajuk gaa mi lii bibiindam chee.

Ilahn 17:13 ပူးပေါင်းရင်းမြစ်များ

Ilahn 10:12

Uwumbɔr, daa bibiindam ngbaan aatafal, teer binib bi ji falaa na bɔr.

Ilahn 119:126

Uwumbɔr, binib aah yii saakaal pu na, ni ŋeer ke aa fii sil.

Ilahn 22:20

Nyan mi kijaak aajuk ni; nyan maamɔfal ibɔ yee ni.

Ilahn 3:7

Uwumbɔr, dan. Maawumbɔr, gaa mi lii. Sin le dar maadim mɔmɔk aatafal, le baa ki kpa mpɔɔn mubaa bi tun mi titunwanbir.

Ilahn 44:23

Uwumbɔr, finn ngeen pu. Ba ŋa aa dɔ geen? Fii sil paacham. Taa yii timi kookoo.

Ilahn 44:26

Dan nan ter timi. Gaa timi lii, saageehm mu bi n‑yoonn mɔmɔk na pu.

Ilahn 7:6

Uwumbɔr, di saaŋuul fii sil. Fii sil ki teŋ maadim aaŋuul; fiin aabaa paacham ki ter mi. Saah ban tiwan ni na le ye ibamɔn,

Ilahn 94:16

Ŋma nan sil nchaŋ ni bibiindam chee? Ŋma nan sil mpuwɔb titunwanbirdam chee?

Aisaya 10:15

Le Uwumbɔr ma bui ke, “Kichɔk ga ŋmaa bui ke ki jer unii u joo ki na aa? Ukpikpiir aah joo kichɔk ki kpii tiwan na aan ŋmaa bui ke ki jer u. Lichakukul aan ŋmaa yoor unii paacham; unii le ga yoor lichakukul paacham.”

Aisaya 10:5

Uwumbɔr len ke, “Asiria, maaŋuul yaa ti fii unii u pu na, m joo sin Asiria le gbaa u ke baah joo lichakukul jaa kijaak pu na.

Aisaya 13:5

Bi nyan ni dandar aatimbol ŋi bi kitiŋ kee aadoon chee na la. Uwumbɔr aaŋuul pu le u choo ke u bii kitiŋ mɔmɔk doo.

Aisaya 37:26

“Saa kee ŋun ke min le kpokl kina n‑yoonn mu jer na, aan ki cha ni ŋa kina dandana aa? Min le nan tii si mpɔɔn ke aa di labr ntisakpem mu bi maa ŋigon kiir mu na di ŋa ŋilangbentanjal aakpuk.

Aisaya 51:9

Uwumbɔr, fii ki ter timi. Di saapɔɔn gaa timi lii; ter timi ke saah nan ŋa pu n‑yaayoonn na. Sin le nan chɔi chɔi nnyusakpem ni aapeewanbiik Rahab.

Habakuk 1:12

Uwumbɔr, ki nyan mpiin na, sin le ye Uwumbɔr. Sin le ye Maawumbɔr u bi chain kaa kpa ndoon na. Uwumbɔr, Ndindaan ni maakikiir, sin le lee Babiloŋ yaab ki cha bi kpa mpɔɔn ke bi ŋmaa daa timi aatafal.

Lituln 4:28

Bi nan kuun bi ti ŋa saah nan len ke bi ga ŋa pu na. Saapɔɔn, ni saageehn pu, le aa nan siin ke bi ga ŋa kina.