Ilahn 16:4 - Uwumbɔr aagbaŋ

⁴ Binib bi san chaa ŋiwaa chee na joo ni tibɔbir le nan tii bibaa. Maan kpaan bi chee baatork ni; maan doon baawaa.

Ilahn 16:4 ပူးပေါင်းရင်းမြစ်များ

Mpiin 35:14

Nima chee, libuul li ni Uwumbɔr nan len u chee tibɔr na, le Jakob di litakpateerkaan di ŋum nima, le ki di ŋisubil aadaan, ni nkpan kpir li pu, ki ŋa li Uwumbɔr yaal,

Ilahn 32:10

Bibiindam ga ji falaa, le Uwumbɔr ga li kii binib bi tii u naadii na ki tii bi waageehm mu bi n‑yoonn mɔmɔk na.

Ilahn 97:7

Unii umɔk dooni ŋiwaa na jin inimɔɔn a; ŋiwaa mɔmɔk gbaani Uwumbɔr aanimbiin ni la.

Nnyam 23:13

“Tibɔr timɔk m len na, ni ŋun tii min Uwumbɔr. Ni taa dooni liwaal libaa; hali ni taa yin ŋaayimbil.

Aisaya 57:6

Ni yoor ŋitakpal ŋi ŋan na nima chee, le ki ti dooni ŋi ke ŋi ye nimi aawaa. Ni bar ndaan kpir ŋi pu ke ni tii ŋi ipiin la, ki tii ŋi njikaabim mu aapiin. Ni dak ke nsui piin nimina mɔmɔk pu uu?

Aisaya 65:11

“Le nimi bi yii mi na ma kan, naan li bi kina, nimi bi yii maagongoln Sionn li bi chain na, ki dooni ŋiwaa Gad ni Meni, ŋiwaa ŋi ni bui ke ŋi kpa liyimɔɔn na, ki siin nimi aabimbin aah ga li doo pu na.

Aisaya 66:3

“Binib ngbaan ŋani baah gee pu na la. Bi yaa di unaaja toor kitork, bee bi yaa ti ki di unibɔn le di toor kitork kan, naa muk bi; bi yaa di upihbo di toor, bee bi yaa di ubɔ toor kan, bi dak ke ni kpaa la; baajikaabim aapiin ni baagbeer aasin aapiin ye bi chee tiwan nibaa la; baah seer tulalee aayon tii Uwumbɔr pu na, ni baah dooni ŋiwaa pu na ye bi chee tiwan nibaa la. Nimina mɔmɔk aa kpa bi chee tibɔbir. Baah dooni Uwumbɔr baageehn wɔb pu na mɔ bi, le ki nu Uwumbɔr chee.

Jeremia 7:18

Mbim le peei idɔ, le bijab tuur mmii, le bipiib buun n‑yon ki ŋa maab tii liwaapii li bi yin li ke Paacham Aapiibɔr na. Bi ki kpir ŋiwaa ŋiken mu pu ndaan, ke ni li wu mi.

Liifai Yaab 23:13

Ni ban n‑yon kuruwaa bilee, ki di olif aakpan ŋmal mu ni, ki di kpee upihjabo ngbaan pu, ki toor tijikaar aapiin aatork. Kitork kina aaboln nu mɔ Uwumbɔr chee. Ni ki ban ŋisubil aadaan kpalba ubaa ki kpee kitork ngbaan pu.

Jona 2:8

Binib bi dooni ŋiwaa ŋi kaa po kpa tinyoor tibaa na yii saanimbaasaln.

Josua 23:7

nima kan, naan di nibaa ŋmal biniyayam bi gur ki bi ni chee na ni, ki mu taa yin baawaa aayimbil, ki taa di ŋaayimbil puu tipuur, ki taa doon ŋiwaa ngbaan kpala, ki taa gbaan ŋinimbiin ni.