Ilahn 16:11 - Uwumbɔr aagbaŋ

¹¹ Aa ga mɔk mi limɔfal aasan; saah bi m chee pu na le gbiini mi mpopiin, ki joo ni mi mmɔɔn n‑yoonn mɔmɔk.

Ilahn 16:11 ပူးပေါင်းရင်းမြစ်များ

Ilahn 139:24

Lik ke m kpa titunwanbir tibaa aan maa kpa, ki mɔk mi nsan mu nan bi n‑yaayoonn na.

Ilahn 17:15

Le mma ga kan si, ba pu? maa tun taani ubaa; le m yaa finn ngeen pu kan, saah bi m chee pu na ga tii mi mpopiin.

Ilahn 4:8

M yaa doon kan, le m geen suuna; Uwumbɔr, sin baanja le kii mi mbamɔm.

Ilahn 68:4

Gaa ilahn tii Uwumbɔr man, gaa ilahn ki pak waayimbil man; toor nsan tii Uwumbɔr u chuun ntaalangbam pu na man. Waayimbil le ye Uwumbɔr, cha nisui li piin unimbiin ni man.

Ŋiyataŋak 12:28

Mbimbinyaan le ye nsan mu cha limɔfal ni na; le mbiin ye nsan mu cha nkun ni na.

Ŋiyataŋak 2:19

Unii ubaa aa kee buen ti mann u ki ki gir ni. Udaan aa ki gir ni limɔfal aasan ni.

Ŋiyataŋak 4:18

Mbimbinyaandam aah dii nsan mu na naahn nwiin aah puu pu na la, mu wiin, le ki moo wolni ki ti saa buyoonn mu ga nya ni kookoo na.

Ŋiyataŋak 5:6

Waa bi limɔfal aasan ni; le ki nya do ki ti nya do kaa nyi tiwan ni bi ŋani na.

Aisaya 2:3

le ŋaanib ga bui ke, “Cha ti jon man Uwumbɔr aajool ki buen Israel yaab Aawumbɔr aadichal ni. U ga mɔk timi waah ban ti ŋa pu na; le ti ga chuun waah lee isan i na pu; Uwumbɔr aamɔkm nyan ni Jerusalem ni la; Sionn pu le u len waanib chee tibɔr.”

Matiu 25:33

ki ga di bininyaam siin ŋŋangii wɔb, ki di tiniwanbir siin ŋŋangan wɔb.

Matiu 25:46

Le bi ga kan ntafadaan n‑yoonn mu kaa kpa ndoon na. Le bininyaam ngbaan ga kan limɔfal li kaa kpa ndoon na.”

Matiu 5:8

Binib bi dii Uwumbɔr ni bisui mɔmɔk na, waanyoor bi bi pu. Bima le ga kan uma Uwumbɔr.

Matiu 7:14

Nsan mu cha limɔfal li kaa kpa ndoon na ni na aa waa. Nsan ngbaan aabisamɔb mu aa waa. Binib bi dii mu na aa wiir.”

Tibɔnyaan ti Mak ŋmee ti na 16:19

Tidindaan Yesu aah len bi chee tibɔr doo na, le Uwumbɔr di u buen paacham, le u ti kal uŋangii wɔb.

Lituln 2:28

Aa nan mɔk mi limɔfal aasan. Saah bi m chee pu na, le m kpa mpopiin pam.’”

Lituln 7:56

Le u bui ke, “Lik, m kan kitaapaak chuu piir, ki kan Unibɔn Aabo na si Uwumbɔr aaŋangii wɔb.”

Rom Yaab 8:11

Uwumbɔr nan fikr Yesu nkun ni. Uwumbɔr u fikr Yesu nkun ni na Aafuur Nyaan yaa bi ni ni kan, uma Uwumbɔr u fikr Yesu Kristo nkun ni na ga fikr nimi aawon ti ga kpo na mu. Waafuur Nyaan mu bi ni ni na aapɔɔn pu, le u ga fikr nimi nkun ni.

1 Korenti 13:12

Dandana, ni bi ke ti lik kinimbilikr, ki lik puu na la; n‑yoonn mu choo na, tiwan nibaa aan nan ki li bi tinimbiin ni ki doŋ timi tiwan nibaa chee. Ti ga li waa tiwan mɔmɔk chain. Dandana m nyi ngem. N‑yoonn mu choo na, m ga nan li nyi ni mɔmɔk, ke Uwumbɔr aah nyi maabɔr mɔmɔk pu na.

2 Korenti 4:17

Dandana aafalaa aan yunn, kaa wiir. Falaa ngbaan pu, le ti ga kan mpopiin ki ti nyaŋ, n‑yoonn mu kaa kpa ndoon na.

Efesusi 3:19

Waah gee timi pu na jer unii aah ga ŋmaa bee pu na. M ban ke ni bee waah gee nimi pu na aan nimi aabimbin li bi ke waah bi pu na mbamɔm.

1 Piita 1:21

U pu, le ni gaa Uwumbɔr ki kii. U nan fikr u nkun ni ki nyuŋ u. Nima pu le ni gaa Uwumbɔr ki kii ki kpa limakl.

1 Piita 3:22

Yesu Kristo nan buen paacham ki ti bi Uwumbɔr aaŋangii wɔb. Le Uwumbɔr di waatuuntiib, ni paacham yaab, ni kinimbɔŋ ni kaapɔɔn mɔmɔk ŋa Yesu Kristo aaŋaal ni.

1 Jɔnn 3:2

Maanigeekaab, dandana wee ti ye Uwumbɔr aabim la. Taa kee nyi taah ga nan li bi pu na. Ti po nyi ke Yesu yaa nan gir ni kan, ti ga kan waah bi pu na. Nima pu le ti mu ga li naahn u.

Juud 1:24

Uwumbɔr u wiin chain na ga li ŋmaa joo nimi, ni taa lir, ki ga ŋmaa di nimi siin unimbiin ni, le ni ga li kpa mpopiin sakpen, kaan li kpa taani ubaa.

Tibɔkpiirkaan 22:5

Kinyeek aan ki li bi. Baan li ban karyaa, kaan li ban nwiin; ba pu? Tidindaan Uwumbɔr le ga li wiin bi pu. Bi ga li ye bibɔrb ki cha n‑yoonn mu kaa kpa ndoon na.