Ilahn 16:10 - Uwumbɔr aagbaŋ

¹⁰ ba pu? sin Uwumbɔr le kii mi nkun aapɔɔn chee, le saan cha saatutunn u ŋan na bee fam kitekpiitiŋ ni.

Ilahn 16:10 ပူးပေါင်းရင်းမြစ်များ

Job Aagbaŋ 11:8

Kitaapaak aa ye Uwumbɔr aanaanmɔk, le ki daa aa chee pam. Uwumbɔr nyi bitekpiib do, le aa ma aa nyi nima.

Ilahn 139:8

M yaa ba buen paacham kan, aa bi nima chee; m yaa ba sunn ti doon kitekpiitiŋ ni kan, aa bi nima chee.

Ilahn 49:15

Le Uwumbɔr ga gaa mi lii, u ga nyan mi nkun aapɔɔn ni.

Ilahn 9:17

Uwumbɔr aah tii bibiindam ni binib bi mɔmɔk yii u na liwangol li na le ye nkun.

Ŋiyataŋak 15:11

Hali kitekpiitiŋ aan ŋmaa di tiwan ni bi ki ponn ni na bɔr Uwumbɔr; kina pu na, unibɔn ga ŋa kinye aan ki di waalandak bɔr Uwumbɔr?

Ŋiyataŋak 27:20

Unibɔn aageehn naahn kitekpiitiŋ ni la, mpaan bi n‑yoonn mɔmɔk le ki ban bitekpiib biken.

Aisaya 14:9

“Kitekpiitiŋ gor kibaa, ki kii ki nan doon Babiloŋ aabɔrkpaan ngbaan. Bipɔɔndam bi nan bi kitiŋ kee pu na aawiin bi gor ki kii la. Bibɔrkpaam aawiin bi fiir nya baabɔrjal pu la.

Aisaya 5:14

Kitekpiitiŋ ka waa bumɔb kii bi la, ki ga nab Jerusalem aaninyuum na, ni baanib, ni binib bi nyu ndaan ki kpa kifuuk na mɔmɔk.

Daniel 9:24

“Ŋibin ŋi Uwumbɔr di siin ke u nyan saanib, ni kitiŋ ki bi chain na titunwanbir ni, ni tiwan ni kaa ŋan na ni na, ye ŋibin imonko itaa ni kipiik nfum mulole pu la. U ga di cha pinn titunwanbir, ki cha ibamɔn i ga li bi n‑yoonn mɔmɔk na dan, le tidaŋ ngbaan, ni Uwumbɔr aabɔnabr ngbaan aamɔbon ga gbiin, le Uwumbɔr Aadichal li bi chain na ga ki gir sil.

Liifai Yaab 19:28

bee ni daan nimi aawon pu nibaa chee, bee ni geei geei niwon utekpiir pu. Min le ye Uwumbɔr.

Amos 9:2

Hali bi yaa jon buen paacham kan, m ga sunn ni bi kitiŋ.

Nkahm 6:6

Waakor le ye limɔkl ke u di ubaa tii Uwumbɔr la, nima pu na, u taa meeh linikpol ki bii ubaa, hali ute, bee una, bee ute aabo yaa kpo kan, u taa meeh linikpol ngbaan.

Tibɔnyaan ti Luk ŋmee ti na 1:35

Le u bui u, “Uwumbɔr Aafuur Nyaan ga sunn ni aa pu. Uwumbɔr u kaa kpa ŋeen aatɔ na aapɔɔn ga cha aa dek lipuul. Nima pu na, saah ga maa ubo u na ga li ye chain. Bi ga yin u ke Uwumbɔr Aajapɔɔn la.

Tibɔnyaan ti Luk ŋmee ti na 16:23

Le uwankpadaan ngbaan mu nan kpo. Le binib di u ti sub. Waah kpo na, le u ti bi mmii mu kaan junn na ni, ki ji falaa sakpen, le ki waan lik paacham, ki waa Abraham dandar, ki waa Lasarus mu bi u chee nima.

Tibɔnyaan ti Luk ŋmee ti na 4:34

“Sin Yesu u ye Nasaref aatiŋ aanii na, aa ban ba ti chee? Aa dan aa nan ŋa timi yɔli la aa? M nyi si. Aa ye Uwumbɔr aanii u ye chain na la.”

1 Korenti 15:42

Binib yaa nan fikr nkun ni kan, ni ga nan li bi kina la. Tiwon ti bi di sub na, ni ye tiwan ni ga bur na la. Ni yaa fikr nkun ni kan, ni ga nan li ye tiwon ti kaan ŋmaa bur na la.

Ikaal 32:22

Maaŋuul ga fii bi pu ke mmiigaal na ki wu tiwan nimɔk bi dulnyaa wee ni na. Mu ga gaa ki ti pii kitekpiitiŋ ni, le ki wu ŋijoo aataab pel pel.

Tibɔkpiirkaan 1:18

Min le ye umɔfadaan. M nan kpo, le ki fikr, ki ga li bi n‑yoonn mu kaa kpa ndoon na, ki joo nkun ni kitekpiitiŋ aasaafii tiib.

Tibɔkpiirkaan 20:13

Le bitekpiib mɔmɔk nyan ni kitekpiitiŋ ni, ki si nima; binib bi nan bee nnyusakpem ponn ni na, bi mu nyan ni ki si nima. Le u jin bi mɔmɔk tibɔr baatuln aah ye pu na.