Ilahn 16:1 - Uwumbɔr aagbaŋ

¹ Uwumbɔr, li kii mi, m kpa gaakii aa pu ke aa ga biin m pu.

Ilahn 16:1 ပူးပေါင်းရင်းမြစ်များ

Ilahn 116:6

Uwumbɔr le kii binib bi kaa kpa nterm na; maah nan bi limukl ni na, u nan nyan mi.

Ilahn 125:1

Binib bi kii tii Uwumbɔr na naahn Sionn Aajool li kaa damni, kaa foor kpala na la.

Ilahn 146:5

Uwumbɔr aah ter unii u aan udaan kpa limakl Udindaan Uwumbɔr pu na kpa mpopiin la.

Ilahn 17:5

M chuun saasan ponn ni le n‑yoonn mɔmɔk, kaa kee yenn mu ni.

Ilahn 17:8

Li kii mi ke saah ga kiir aabaa aanimbil pu na; di mi bɔr saafeen aajunjuŋ ni,

Ilahn 22:8

Bi len ke, “U gaa Uwumbɔr ki kii, ba ŋa waa gaa u lii? Uwumbɔr yaa gee u kan, ba ŋa waa ter u?”

Ilahn 25:20

Li kii mi ki gaa mi lii, ki taa cha maadim ngbaan nyaŋ mi, sin chee le m choo ban limɔfal.

Ilahn 31:23

Uwumbɔr aanib bi dii u mbamɔm na mɔmɔk, li gee u man. Uwumbɔr kii binib bi dii u mbamɔm na la, le ki dar bigaadam aatafal baah ŋeer pu na.

Ilahn 37:28

ba pu? Uwumbɔr gee tiwan ni ŋan na la, kaa siir cha waanib bi dii u mbamɔm na. U kii bi n‑yoonn mɔmɔk, le ki ga jenn nyan bibiindam ma.

Ilahn 56:1

Uwumbɔr, san mi kinimbaak, ba pu? binib ban mi ni linimaln la; maadim muk mi n‑yoonn mɔmɔk la.

Ilahn 60:1

Uwumbɔr, aa yii timi, le ki nyaŋ timi; aa nan gee liŋuul ti pu, dandana ma kan, gir gaa timi.

Ilahn 7:1

Ndindaan Uwumbɔr, m dan aa chee ki ban nterm la; li kii mi ki gaa mi binib bi mɔmɔk san dii mi na chee lii,

Ilahn 7:2

naa ye kina kan, bi ga chuu mi ke uchinn aah chur tiwan pu na, ki di buen nin chee ubaa aan ŋmaa gaa mi lii na, nima chee le bi ga ti daa par par mi.

Ilahn 84:12

Uwumbɔr, Mpɔɔnsakpiindaan, binib bi tii si naadii na kpa mpopiin.

Ilahn 9:10

Uwumbɔr, binib bi nyi si na ga tii si naadii; Saa siir cha umɔk dan aa chee na.

Ilahn 97:10

Uwumbɔr gee binib bi kaa gee titunwanbir na; u kii waanib aamɔfal; u gaal bi bibiindam chee lir.

Ŋiyataŋak 2:8

U kiir binib bi gee biŋeen aatɔtiib na, ni binib bi di bibaa tii u na.

2 Korenti 1:9

Timi tibaa nan len ke ti ga kpo. Ni ŋa kina ke ti bee ke taan ŋmaa ter tibaa. Uwumbɔr u fikr binib nkun ni na baanja le ga ŋmaa ter timi.

2 Timoti 1:12

Nima pu le m ji falaa kiyondiik ni. Ni mu aa kpa mi inimɔɔn. Ba pu? m nyi Yesu u m gaa u ki kii na. Maah di mbaa tii u na, m sil nyi ke u ga ŋmaa li joo mi, ki nan saa waagirndaal.