Ilahn 15:4 - Uwumbɔr aagbaŋ

⁴ Binib bi Uwumbɔr yii bi na, kina aanii lik bi fam la, le ki tee nyuŋni binib bi keei Uwumbɔr aamɔb na. U yaa puu ke u ga ŋa pu na kan, kina le u ŋani, kaa dakl lik naah ga bii waatuln pu na.

Ilahn 15:4 ပူးပေါင်းရင်းမြစ်များ

2 Bibɔrb Aabɔr 36:13

Sedekia nan nyan Ubɔr Nebukadnesar, u nan cha u puu Uwumbɔr aayimbil pu ke u ga li si uchaŋ ni mbamɔm na aapuwɔb. U nan kpa tafalaaŋun, le ki yii, kaa kpeln waabimbin ki fenn dan Israel yaab Aadindaan Uwumbɔr chee.

Esta 3:2

Waaninkpir ngbaan pu, ubɔr ngbaan nan siin nkaal ke waaninkpiib bimɔk tun waatuln na li gbaani ki pak u. Bi mɔmɔk nan ŋani kina, see Modekai baanja le nan yii, kaa ŋani kina.

Ilahn 101:4

Maan tun beebee aatuln, kaan tun titunwanbirdam chee lituln.

Ilahn 101:6

M ga kii tii binib bi kii tii Uwumbɔr na ki cha bi li koo maabɔrchiln ni. Binib bi kaa kpa taani na ga li kpa nsan ki tun maatuln.

Ilahn 119:63

M ye binib bi mɔmɔk tun saatuln ki kii saakaal na aajɔ la.

Ilahn 16:3

Uwumbɔr aanib bi dii u mbamɔm na ŋan sakpen a. Tiwan ni piir nsui sakpen na le ye ke m li bi bi chee.

Matiu 5:33

“Ni ŋun ke bi nan tuk n‑yaayoonn na aanib ke, ‘Taa puu Uwumbɔr nnyamɔn pu, ke aa yaa puu Uwumbɔr kan, ŋa saah len pu na.’

Lituln 24:25

ki ŋa bininyaam, ki li chur bibaa, ki taa tun titunwanbir na; ba pu? Uwumbɔr ga ji binib mɔmɔk tibɔr. Pɔɔl aah len kina na, le ijawaan chuu Feliks. Le u bui Pɔɔl, “Ni ŋeer aa di cha kina. M yaa kan nfaawom kan, m ga yin si.”

Lituln 28:10

Le bi tii timi ipiin pam. Taah nan ban ti buen na, bi nan ki tii timi, timi aasachuln aapiin.

1 Jɔnn 3:14

Taah gee tinaabitiib na, nima le cha ti bee ke ti nyan nkun ni, ki kpa limɔfal li kaa kpa ndoon na. Unii umɔk kaa gee una aabo na, u beenin bi nkun ni la.

Bibɔjirb 11:35

Waah kan u na, le u daa kar waawanpeenkaan mpombiin pu, le ki bui ke, “Mbisal, aa bii nsui. Ni ŋa kinye aan sin le tii mi iyiween? M puu tipuukpaan tii Uwumbɔr, kaan ki ŋmaa bii ti.”