Ilahn 15:3 - Uwumbɔr aagbaŋ

³ kaa bii biken aayimbil na le ga ŋmaa koo. Waa ŋani uŋeen aatɔ taani, kaa mooni tibɔr ti kaa gbii na uŋeen aatɔ pu.

Ilahn 15:3 ပူးပေါင်းရင်းမြစ်များ

Ŋiyataŋak 22:10

Chuu nyan man unii u kpa kigaak na nikaasisik ni, aan kinikpakpak, ni kijaak, ni ŋisiibil doo.

Ŋiyataŋak 25:3

Saan ŋmaa bee ubɔrkpaan aah dak pu na; waalandak daa ti chee ke kitaapaak aah daa kitiŋ pu na, ki nyoo ke nnyusakpem aah nyoo pu na la.

Aisaya 56:2

Binib bimɔk joo maakpaakool daal mbamɔm, kaa bii mu na, m ga ŋa tinyoor ŋa bi pu. M ga ŋa tinyoor ŋa binib bimɔk aa tun titunwanbir na pu.”

Liifai Yaab 19:16

Ni taa li geei inyamɔn paani unii ubaa. Bi yaa bi ji unii ubaa aabɔr aan u ban u nyan nkun ni, aan aa nyi ke u kpa mbamɔn kan, ter u ki gaa u lii. Min le ye Uwumbɔr.

Matiu 7:12

“Nima pu na, naah ban ke binib li ŋani nimi pu na mɔmɔk, ni mu li ŋani bi kina. Uwumbɔr aakaal ni waabɔnabr aabɔr le mɔk kina.”

Rom Yaab 1:30

ni mpaan pu. Bi nan Uwumbɔr, le ki seei tɔb, ki kpa kalmbaani, ki puk kipupuk. Bi po dak baah ga ŋa pu ki moo tun titunwanbir na la. Bi yii bite ni bina aamɔi.

Rom Yaab 12:17

Unii yaa ŋa si bakaa kan, taa teen u. Ni li ŋani ni ŋan na binib mɔmɔk aanimbil ni.

Rom Yaab 13:10

Unii u gee binib na aa ŋani bi bakaa ubaa. Nima pu na, unii u gee binib na gbiin Uwumbɔr aakaal mɔmɔk aah len pu na la.

Taitus 3:2

ki taa bii unii ubaa, ki taa kpak binib kinikpakpak. Bi li kpa kijɔtiik binib biken chee, ki li bi suuna binib mɔmɔk chee.

Jemisi 4:11

Nnaabitiib, ni taa bii tɔb. Unii yaa bii una aabo ki yaa galn u kan, u bii Uwumbɔr aakaal ki galn mu la. Aa yaa galn nkaal ngbaan kan, saa ye unii u ŋani nkaal aah len pu na, aa ye unii u galni mu la.

3 Jɔnn 1:11

Njɔgeehn, taa dii unii u kaa ŋan na aataabuu. Li dii unii u ŋan na aataabuu. Unii umɔk ŋani ni ŋan na kan, u ye Uwumbɔr yoo la. Unii umɔk ŋani ni kaa ŋan na kan, waa nyi Uwumbɔr.

1 Samuel 24:11

Lik, nte, lik saabɔkul aageln le m joo na. M ba ga ŋmaa ku si, le m tee gii nimina. Nima le ga ŋmaa mɔk si limɔkl ke maa si aa pu, kaa kpak si, ki mu aa ban m ku si. Aa bi tee mban ki ban mi ke aa ku mi, le maa kpaan ŋa si nibaa.