Ilahn 15:2 - Uwumbɔr aagbaŋ

² Unii u keei Uwumbɔr aamɔb tiwan mɔmɔk ni, ki ŋani ni ŋan na n‑yoonn mɔmɔk, aan waamɔliin ye ibamɔn ki gbii na,

Ilahn 15:2 ပူးပေါင်းရင်းမြစ်များ

Ilahn 24:4

Binib bi aabimbin ni baalandak ŋan na, kaa dii ŋiwaa, kaa puur tipuur ti kaa gbiini na, bima baanja le kpa kina aasan.

Ilahn 84:11

Tidindaan Uwumbɔr le ye timi aakikiir, ni timi aabɔr u kpa kipak sakpen na, u ŋani timi tiŋann ki tii timi bunyuŋ. Binib bi aabimbin ŋan na, waa cha bi lanni tiwanyaan nibaa.

Ŋiyataŋak 20:7

Mbim yaa kpa te u aabimbin ŋan aan u ŋani tiwan ni ŋan na kan, bi kpa liyinyaan.

Ŋiyataŋak 28:18

Li bi mbamɔm ki ŋmar. Aa yaa ye beebeedaan kan, aa ga lir mala la.

Aisaya 33:15

Ni yaa len ki ŋani ni ŋan na kan, ni ga ŋmar. Taa di man nimi aapɔɔn di ji bigiim, ki taa gaa igaŋgaŋlik. Ni taa kpaani binib bi kpokl ke bi ku unii, bee binib bi tun titunwanbir na chee.

Aisaya 63:8

Uwumbɔr bui ke, “Bi ye maanib la; baan ŋmann mi.”

Maika 2:7

Nimi Israel yaab len ke Uwumbɔr aa ki kpa limɔr la aa? U ga sil ŋa tiwan ngbaan mɔmɔk aa? Waa len binib bi ŋani ni ŋan na chee ki san bi kinimbaak aa?”

Tibɔnyaan ti Luk ŋmee ti na 1:6

Sekaria ni upuu mɔmɔk nan ye bininyaam Uwumbɔr chee, ki dii waakaal mɔmɔk, ki ŋani waah ban pu na, kaa kpa taani ubaa.

Lituln 10:35

Ŋinibol mɔmɔk ponn ni, unii yaa bi, ki pak Uwumbɔr ki tun lituln li ŋan na kan, u piir Uwumbɔr aasui.

Rom Yaab 2:10

Binib bimɔk tun lituln li ŋan na, Uwumbɔr ga nyuŋ bi, ki pak bi, ki tii bi nsuudoon. Njan, u ga tii Juu yaab, le ki ga tii binib bi kaa ye Juu yaab na mu;

Galantiya 2:14

M nan kan ke baa dii Yesu aabɔnyaan mbamɔm. Le m tuk Piita bi mɔmɔk aanimbil ni ke, “Aa ye Juu aanii la. Aa yaa dii binib bi kaa ye Juu yaab na aah dii pu na, kaa ki dii Juu yaab aasan kan, ba ŋa aa muk binib bi kaa ye Juu yaab na ke bi dii Juu yaab aasan?”

Efesusi 2:10

Ti ye Uwumbɔr aawanaankaan la. Taah kpaan Yesu Kristo ni na, le Uwumbɔr ŋa timi binipɔm, ke ti li tun lituln li ŋan na. U nan di lituln ngbaan siin kiir timi, ke ti nan tun li.

Efesusi 4:25

Nima pu na, ni taa ki mɔni inyamɔn. Ni mɔmɔk li len ibamɔn tɔb chee. Ti yaa ŋmanni tɔb kan, ni naahn ke tiwon aawan nibaa le aah ŋmanni niken na.

Kolosiya 3:9

Ni taa mɔln inyamɔn ki tuk tɔb; ba pu? ni nan di nimi aabimbikpok aatuln lii a,

Hiibru Yaab 11:33

Baah nan gaa Uwumbɔr ki kii pu na, le bibaa nan nyaŋ ŋitimbol aajab, bibaa mu tun lituln li ŋan na, bibaa mu kan Uwumbɔr aah puu tipuur ti na, bibaa mu muib ichinn aamɔi, i taa ŋa bi nibaa.

1 Jɔnn 2:29

Ni nyi ke Yesu ye mbamɔndaan la. Nima pu le ni bee ke unii umɔk ŋani ni ŋan na ye Uwumbɔr aabo.

1 Jɔnn 3:7

Maabim, taa cha unii ubaa ŋmann nimi. Unii umɔk ŋani ni ŋan na, udaan ye unibamɔnn ke Yesu aah ye unibamɔnn pu na la.

Tibɔkpiirkaan 21:8

Le bijawaandam, ni binib bi yii mi na, ni bininsom, ni binikurb, ni bidagoob, ni bibɔɔb, ni biwaadam, ni binyamɔndam mɔmɔk ga li bi chirbil aamii ni. Nima le ye lelee aakun na.”