Ilahn 149:6 - Uwumbɔr aagbaŋ

⁶ Cha bi li tar mpɔɔn pu ki pak Uwumbɔr, ki li joo baajaak aajum mu ka na biŋaal ni,

Ilahn 149:6 ပူးပေါင်းရင်းမြစ်များ

Nehemia 9:5

Liifai yaab bimina le nan bui binib ngbaan ke bi doon Uwumbɔr: bima le ye Jesua, ni Kadmiel, ni Bani, ni Hasabneya, ni Serebia, ni Hodia, ni Sebania, ni Petahia. Bi nan len ke: “Fii sil man ki pak Nidindaan Uwumbɔr. Pak u ki ti saa n‑yoonn mu kaa kpa ndoon na man. Cha unii mɔmɔk pak waayimbil li kpa kipak na, unibɔn mu aapak aa tee nyuun ki ga ŋeer u.”

Ilahn 115:7

Ŋi kpa iŋaal, kaa tee ŋmaa chur tiwan, ki kpa ŋitaa, kaa tee ŋmaa chuun; ŋaan ŋmaa faa kifuuk.

Ilahn 66:17

M nan wii ki ban nterm u chee; m di ilahn pak u.

Ilahn 96:4

Uwumbɔr aapɔɔn nyaŋ sakpen, le ni ŋan ke ti pak u sakpen; ti ga nyuŋ u ki jer dindatiib mɔmɔk.

Daniel 4:37

“Le dandana wee, min Nebukadnesar pak ki nyuŋ Paacham Aabɔrkpaan ngbaan ki tii u kipak. Waah ŋani tiwan nimɔk na ye mbamɔn ki tok, le u ga ŋmaa sunn binib bi kpa kigaak na taab.”

Obadia 1:21

Jerusalem yaab bi ga nyaŋ baadim mɔmɔk na ga tak Edom yaab ki nyaŋ bi. Le Uwumbɔr uma ubaa ga li ye Ubɔrkpaan.”

Tibɔnyaan ti Luk ŋmee ti na 2:14

“Cha ti nyuŋ Uwumbɔr u bi paacham na. Lifuur ga li bi dulnyaa wee ni. Uwumbɔr san binib kinimbaak la.”

Hiibru Yaab 4:12

Uwumbɔr aabɔr fu, ki kpa mpɔɔn, ki ka jer kijuk ki ka ŋipepel mɔmɔk ŋilee na, ki koo unii aasui ni, ni waawiin ni, ki lik usui ni aabɔbɔrkaan aah bi pu na, ki mɔk waalandak aah bi pu na, ki lik usui aah ban pu na, ke ni ŋan aan naa ŋan.

Tibɔkpiirkaan 1:16

Le u joo iŋmabi ilole uŋangii ni. Kijaak aajuk ki ka ŋipepel mɔmɔk ŋilee na mu bi umɔb ni. Unimbil wɔb wiin chain, ke nwiin aah wiin chain pu nwiin pu na.

Tibɔkpiirkaan 19:6

Le m ŋun nneel mu naahn kinipaak sakpeŋ aaneel, ki naahn bunyɔb sakpem aanyun aah fuuk pu na, ki fuuk ke utaal aah tar mpɔɔn pu na, len ke, “Haleluya. Dandana wee Tidindaan Uwumbɔr u kpa mpɔɔn mɔmɔk na le joo tiwan mɔmɔk.

Bibɔjirb 3:16

Ehud nan mɔɔ kijaak aajuk ki aafɔfɔk nan fɔk jer litaa libaa ni ligeln na. U nan di ki peen uŋangii wɔb aasikakl, waawanpeenkaan aataab la,