Ilahn 148:8 - Uwumbɔr aagbaŋ

⁸ utaal aah moor pu na, ni ŋitaanal, ni ntaalangbam, ni ŋibun ŋi pɔɔ ki kii waakaal na, pak u man.

Ilahn 148:8 ပူးပေါင်းရင်းမြစ်များ

Mpiin 19:24

N‑yoonn ngbaan le Uwumbɔr cha mmiigaal ni chirbil lir Sodom ni Gomora aatim ngbaan pu.

Job Aagbaŋ 37:12

ki dii Uwumbɔr aageehn la. Mu ŋani Uwumbɔr aah bui mu pu na ŋipepel mɔmɔk dulnyaa wee ni.

Ilahn 103:20

Nimi Uwumbɔr aatuuntiib bi pɔɔ sakpen ki kii waah len pu na, ki pel waah len pu na, pak uma Uwumbɔr man.

Ilahn 18:12

Ŋitaatakpal ni mmii mu moor na le nan gaal ki loln u pu nsan, le ki woln ntaalangbam mu nyuun na ponn ni.

Nnyam 10:13

Moses nan yoor waajaangbeek, le Uwumbɔr cha libuln nyan ni liwipuul, le ki daa nwimɔn ni kinyeek mu. Ni ti woln kitaak kichakpiik ni na, le libuln ngbaan joo ni itoon.

Nnyam 10:19

Le Uwumbɔr cha libuln ngbaan kpeln ki daa nyan ni liwilir wɔb, le ki di itoon ngbaan mɔmɔk buen Limɔɔkal Aanyusakpem ponn ni. Utoon ubaa aa nan ki gur Ijipt aatiŋ ni.

Nnyam 14:21

Moses nan yoor uŋaal paacham ki mɔk nnyusakpem ngbaan, le Uwumbɔr cha libuln nyan ni liwipuul wɔb ki daa nnyusakpem ngbaan pu, le ki kiir mu, le mu yakr tɔb chee. Libuln ngbaan nan daa kinyeek ki ti woln kitaak, le ni kuur. Nnyun ngbaan nan yakr tɔb chee,

Aisaya 66:16

U ga di mmii ni kijaak aajuk le di daa dulnyaa aanib bi aabɔr bii u chee na aatafal, le pam ga kpo.

Joel 2:30

M ga ŋa lijinjiir aawan kitaapaak ni, ni kitiŋ pu; nsin, ni mmii, ni iŋmanyuu ga li bi.

Liifai Yaab 10:2

Baah ŋa kina na, libuul ngbaan ni, le Uwumbɔr cha mmii dan le ki nan ku bi, unimbiin ni.

Amos 4:13

Uma Uwumbɔr le naan ŋijoo sakpiin, ki naan libuln mu. U joo waakaal kpiir tuk unibɔn; u kpeln nwiin pu ŋani kinyeek. U chuun dulnyaa wee ni, nin chee fɔk sakpen na. Waayimbil sɔ: Tidindaan Uwumbɔr Mpɔɔnsakpiindaan.

Amos 7:4

Tidindaan Uwumbɔr le nan ki kpiir tiwan nimina mu mɔk mi tidaŋ ponn ni. Tidaŋ timina ponn ni m nan kan ke u gor ubaa ke u di mmii daa waanib aatafal. Mmii ngbaan nan cha nnyusakpem mu dɔ kitiŋ kee aataab na foor, ki piin ki bi wu kitiŋ mu.

Jona 1:4

Tɔ, Uwumbɔr nan cha libupɔɔl libaa dan nan lir nnyusakpem ngbaan pu, libuln ngbaan nan bir pam, le buŋɔb ngbaan nan ban bu wii ki muin.

Jona 1:5

Ijawaan nan chuu biŋɔŋaab ngbaan, le bi mɔmɔk wii ki yin baawaa ki ban nterm. Bi nan nyan ŋitun ŋi bi bu ponn ni na mae ŋa nnyun ni ke bu taa ki li nyuun. N‑yoonn mue na, Jona nan dɔ bu ponn ni ki dɔ geen.

Nkahm 16:35

Le Uwumbɔr nan cha mmii nyan ni, ki nan wun bijab ikui ilee ni piiŋmu bi nan joo ni tulalee aayon waabimbiln chee na.

Josua 10:11

Amor yaab aah nan san naa Israel yaab na, le Uwumbɔr cha ŋitaatakpal nyan ni paacham ki lir ni bi pu kina, ki ti saa Aseka aatiŋ ni. Ŋitaatakpal aah nan lir bi pu ki ku bi na nan wiir jer Israel yaab aah ku bi na.

Tibɔkpiirkaan 16:21

Le utaal nun ŋitaatakpabil sakpiin, ki lir binib pu. Ŋi mɔmɔk nan nyuun ke njikaabim bɔtɔ aah nyuun pu na. Le binib sii Uwumbɔr ŋitaatakpabil ngbaan aabɔbir pu; ŋi nan ŋa bi falaa pam.