Ilahn 147:5 - Uwumbɔr aagbaŋ

⁵ Tidindaan ye Mpɔɔnsakpiindaan la; ubaa aa nyi waalan aah ti saa pu na.

Ilahn 147:5 ပူးပေါင်းရင်းမြစ်များ

1 Bibɔrb Aabɔr 16:25

Uwumbɔr aapɔɔn nyaŋ sakpen, le ni ŋan ke ti pak u sakpen; ti ga nyuŋ u ki taa ki nyuŋ ŋiwaa ma.

Job Aagbaŋ 36:5

Uwumbɔr aapɔɔn nyaŋ a. Waa lik seeni ubaa; tiwan nibaa aa bi aan waa nyi naatataa.

Ilahn 135:5

M nyi ke Uwumbɔr kpa mpɔɔn, u kpa mpɔɔn jer ŋiwaa.

Ilahn 145:3

Uwumbɔr kpa mpɔɔn, kina pu le ni ŋan ke ti pak u sakpen; waapɔɔn nyaŋ a.

Ilahn 40:5

Tidindaan Uwumbɔr, aa ŋa tiwan pam tii timi; ubaa aa bi ke sin na. Aa dak ke aa ga ŋa iwaan aatun tii timi, maa nan ŋmaa len ŋi mɔmɔk pu, ŋaakahm wiir sakpen a.

Ilahn 48:1

Uwumbɔr aapɔɔn nyaŋ sakpen, ni ŋan ke ti li pak u mbamɔm, waagongoln li bi chain na paab.

Ilahn 96:4

Uwumbɔr aapɔɔn nyaŋ sakpen, le ni ŋan ke ti pak u sakpen; ti ga nyuŋ u ki jer dindatiib mɔmɔk.

Ilahn 99:2

Uwumbɔr kpa mpɔɔn Sionn pu, uma le ye ŋitimbol mɔmɔk aayidaan.

Aisaya 40:28

Naa nyi ii? Naa kee ŋun aa? Uwumbɔr le ye Tidindaan u ga li bi n‑yoonn mu kaa kpa ndoon na; uma le naan dulnyaa mɔmɔk. Waa bakr kpala. Ubaa aa nyi waalandak.

Jeremia 10:6

Uwumbɔr, ubaa aa bi ke sin na; saapɔɔn nyaŋ sakpen a, le saayimbil nyuun ki kpa mpɔɔn.

Jeremia 10:7

Ŋma aan nyuŋ si u ye ŋitimbol mɔmɔk aabɔr na? Aa ŋeer bunyuŋ la. Bilandam ni bibɔrb bi mɔmɔk bi ŋitimbol ni na ubaa aa bi ke sin na.

Daniel 2:20

“Uwumbɔr kpa nlan ki pɔɔ sakpen. Li pak u n‑yoonn mɔmɔk man.

Nahum 1:3

Uwumbɔr aaŋuul aa fiir mala mala, le u tee kpa mpɔɔn sakpen, le ki dar binib bi aabɔr aa ŋan na aatafal, kaa joo cha pinni bi. Kitaabuŋ fii nin chee Uwumbɔr chuun na la; utaa aatangbaak le ye ntaalangbam.

Rom Yaab 11:33

Uwumbɔr kpa nlan ni mbaem sakpen. Ubaa aan ŋmaa bee waah kpa sakpen pu na. Waah siin pu na, ubaa aan ŋmaa bee ŋitaa ŋi pu u siin kina na. Ubaa aan ŋmaa bee waah ŋani pu na.

Tibɔkpiirkaan 15:3

ki gaa ilahn i ye Upihbo ngbaan ni Uwumbɔr aatutunn Moses aalahn na ke, “Tidindaan Uwumbɔr u yeh mpɔɔn mɔmɔk na, saatuln ye litukpaan ki gar binib pam. Saasan ye nsanyaan, ki mu ye nsan bamɔnn. Si le ye Ubɔr n‑yoonn mu kaa kpa ndoon na.