Ilahn 147:2 - Uwumbɔr aagbaŋ

² Uwumbɔr ki bi maa Jerusalem la; u bi giini binib bi nan bi tinaagbiir ni na la.

Ilahn 147:2 ပူးပေါင်းရင်းမြစ်များ

Nehemia 6:15

Joo cha iwiin piiŋmu ni ilee ti jer, Elul aaŋmal aawiin moninko ni iŋmu daal na, ligoln ngbaan aatuln mɔmɔk nan doo.

Nehemia 6:16

Timi aadim bi bi ŋitimbol ŋi mann goln timi na aah ŋun kina na, le bi bee ke bi jin inimɔɔn a, ba pu? unii mɔmɔk nan bee ke Uwumbɔr aaterm le tun kina aatuln.

Nehemia 7:4

Jerusalem nan ye kitiŋ ki wiir na la, le binib bi nan koo ki ponn ni na aa tee wiir, le kaadichal mu aa nan kee wiir.

Ilahn 102:17

U ga ŋun waah yii waanib bi na pu ki pel baameel.

Ilahn 51:18

Uwumbɔr, san Sionn aanib kinimbaak ki ter bi, ki gir maa Jerusalem aagon.

Aisaya 14:32

Kinye aan ti ga gar ituun i nyan ni Filistia yaab chee na? Ti ga bui bi ke Uwumbɔr maa Sionn siin, le waanib bi nan ji falaa na ga kan lifuur nima chee.

Aisaya 27:13

Nwiin ngbaan daal yaa nan fuu ni kan, kakaan ga wii ki yin Israel yaab bi bi Asiria ni Ijipt aatim ni tinaagbiir ni na ke bi gir ni. Bi ga dan ki nan doon Uwumbɔr, Jerusalem aatiŋ ponn ni, waajool paab.

Aisaya 56:8

Tidindaan Uwumbɔr u nyan ni waanib Israel yaab tinaagbiir ni na, puu ke u ga nyan binib biken nan kpee bi pu.

Aisaya 62:7

Bi taa cha u fuur kpala ki ti saa buyoonn u ga ki giin Jerusalem siin kaasisiiyaan, ki ŋa ki kitiŋ ki dulnyaa mɔmɔk pak na.

Jeremia 31:10

Uwumbɔr ki bui ke, “Ŋitimbol, li pel m chee man, ki di maabɔr moon nnyusakpem aagbaan ni daa na. M nan yaa maanib, le m ga ki kuun ni bi, ki li kpaa bi ke upihkpaal aah kpaa waapiih pu na.

Jeremia 31:4

M ga ki gir maa nimi kaan. Ni ga ki gir yoor nimi aagangan ki waa mpopiin aawaal.

Jeremia 32:37

M ga ki kuun ni binib ngbaan maaŋuusakpeln aah nan cha bi yaa ki bi ntim mu ni na, ki giin ni bi do, ki nan cha bi li koo nsuudoon ni.

Esekiel 38:8

Ŋibin pam aapuwɔb le m ga bui u ke u ti di butɔb koo kitiŋ ki aanib nyan ni ŋitimbol pam ni ki gir ni, kaa nyi butɔb aajawan aan ni yunn na ni. U ga koo Israel aajoo ŋi bi nan san cha ŋi aan ŋi doon nkuun ki yunn, ki mu gur kpa binib bi bi lifuur ni na ni.

Daniel 9:25

Chuu tibɔr timina ki bee taatataa: Ki nyan n‑yoonn mu bi ga lii bumɔb ke bi ki gir maa Jerusalem aatiŋ na, ki ti saa buyoonn Uwumbɔr aah lee usaloln u na fuu ni na, ga li ye ŋibin ŋilole nfum mulole pu la. Bi ga ki gir maa Jerusalem aatiŋ, le isan ga li bi ki ponn ni, le ki li kpa tiwan ni kiir ki aan ki pɔɔ na; le ki ga sil ki ti saa ŋibin imonko itaa ni ŋilee nfum mulole pu; n‑yoonn ngbaan tee ga li ye tibɔbir aayoonn la.

Maika 4:6

Uwumbɔr bui ke, “N‑yoonn choo, le m ga kuun ni binib bi m daa bitafal, aan bi jin falaa tinaagbiir ni kitiyayaŋ ni na nan kpaan.

Sekaria 8:7

M ga nyan ni maanib baadim aah di bi buen ntim mu na ni,

Matiu 16:18

Piita, m tuk si la, aa ye litakpal la. Litakpal limina pu le m ga di maanib siin. Le nkun aapɔɔn aan nyaŋ bi.

Ikaal 30:3

Nidindaan Uwumbɔr ga san nimi kinimbaak. U ga ki nyan ni nimi ŋinibol ngbaan aatim mu ni u nan cha ni yaa buen na, ki giin ni nimi, nimi aatiŋ ni, ki tii nimi liwangol.