Ilahn 147:19 - Uwumbɔr aagbaŋ

¹⁹ U joo waamɔboln tii waanib Israel yaab, u tii bi waakaal ni waamɔkm.

Ilahn 147:19 ပူးပေါင်းရင်းမြစ်များ

Esra 7:6

Esra nan ye ugbanbae la, le ki nyi Israel yaab Aadindaan Uwumbɔr aakaal i u nan di tii Moses na mbamɔm. Esra Aadindaan Uwumbɔr aah nan bi u chee pu na, ubɔrkpaan ngbaan nan tii u tiwan ni mɔmɔk u ban na la. Ataksekes aanaan yoonn aabilolole ni, le Esra, ni Israel yaab bibaa, ni bitotoorb, ni Liifai yaab, ni Uwumbɔr Aadichal ni aawangbaab ni bilahngaab, ni bikikiib, ni bitutum, nan nyan Babiloŋ ki cha Jerusalem.

Ilahn 103:7

U nan di waah ban u tun pu na kpiir mɔk Moses, le ki cha Israel aanib kan waapɔɔn aatun.

Ilahn 76:1

Juda aatiŋ yaab mɔmɔk nyi Uwumbɔr bɔr; Israel yaab nyuŋni waayimbil.

Ilahn 78:5

U tii Jakob aayaabitiib, Israel yaab, ŋikoobil ni ikaal. U nan bui tiyaajatiib tibɔr ke bi mɔk baabilb waakaal,

Esekiel 20:11

M nan tuk bi maah ban bi li bi pu na, ki mɔk bi maakaal i tii unii umɔk gaa i ki kii na limɔfal na.

Hosea 8:12

M ŋmee ikaal i aa ti ki nyi imɔk na tii binib ngbaan, le bi yii i ke i ye tiwɔwɔwan, ni tiwachann le bi chee.

Malakai 4:4

“Teer maatutunn Moses aakaal na, ikaal ni ŋimɔbon ŋi m nan di tii u Sainai Aajool paab, ke Israel aanib mɔmɔk li dii i na.

Rom Yaab 3:2

Een, bi jer bi tiwan aabɔŋ ni la. Ni jer tiwan mɔmɔk na le ye ke Uwumbɔr nan di waabɔr ŋa bima le aaŋaal ni.

Rom Yaab 9:4

Bi ye Israel yaab la. Uwumbɔr nan ŋa bi waabim, ki nyuŋ bi, ki puu tipuur tii bi, ki tii bi waakaal, ki mɔk bi baah ga li dooni u pu na, ki bui bi waah ga ŋa tinyoor pu ki ŋa bi pu na.

Ikaal 4:1

Moses nan bui Israel yaab ke, “Ni pɔɔn nibaa ki kii tii ikaal i m bi mɔk nimi na, nima le ga cha ni li bi, ki ti gaa kitiŋ ki Uwumbɔr, u ye niyaajatiib Aawumbɔr na, ban u di tii nimi na.

Ikaal 4:45

Baah nan nyan ni Ijipt aatiŋ ni, ki nan fuu Jɔɔdann Aamɔɔl, liwipuul wɔb, kifataŋ ki dɔ tok Bef Peor aatiŋ na aapuwɔb, le u nan di ikaal ngbaan mɔk bi. Ni nan ye Amor yaab aabɔr u bi nan yin u ke Sihonn na aapepel ni la, uma le nan bi Hesbonn aatiŋ ni ki joo waanib. Moses ni Israel yaab aah nan nyan ni Ijipt buyoonn na, le bi nan nyaŋ u.

Ikaal 4:8

Linibokpaan liken aa bi ki kpa ikaal i ŋan ke maah di i mɔk nimi din wee na.

Ikaal 5:22

“Ikaal imina le Uwumbɔr nan di tii ni mɔmɔk, buyoonn ni nan kuun dan lijool ngbaan chee na. Waah nan len ni chee tibɔr nneel sakpiin, mmii ponn ni, ni ntaalangbam bɔmbɔm ponn ni na, le u nan di ikaal imina tii nimi. Waa ki di ibaa kpee i pu. U nan ŋmee i ŋitakpapepee ŋilee pu, le ki di i tii mi.

Ikaal 5:31

Sin Moses ma kan, gaar m chee do, aan m di maakaal, ni maamɔkm mɔmɔk tuk si. Aa di ikaal ngbaan mɔk binib ngbaan, nima kan, bi ga joo i mbamɔm, ki li bi kitiŋ ki m ban ke m di tii bi na ni.’

Ikaal 6:1

“Ikaal imina le Nidindaan Uwumbɔr nan bui mi, ke m di i mɔk nimi. Naah chaa koo kitiŋ ki ponn ni, ke ni ti li bi nima na, ni ti li joo i mbamɔm.