Ilahn 147:13 - Uwumbɔr aagbaŋ

¹³ U cha saagon aabisamɔi pɔɔ, u ŋani waanyoor ŋani saanib pu.

Ilahn 147:13 ပူးပေါင်းရင်းမြစ်များ

Nehemia 12:30

Bitotoorb ni Liifai yaab nan toor kitork ki nyan bibaa ni binib ngbaan aatunwanbir, le ki ŋa ibisamɔi ni kitiŋ aagoln ngbaan chain.

Nehemia 6:1

Sanbalat, ni Tobia, ni Gesem, ni timi aadim bi gur na ŋun ke ti ki gir maa ligoln ngbaan doo, le nibaa chee aa gur, ki mu aa nan kee di ibisamɔi aajaaleŋ tiib piin.

Nehemia 7:1

Taah maa ligoln ngbaan doo na, le ti di ibisamɔi aajaaleŋ tiib piin, le ki ban Uwumbɔr Aadichal aakikiib kaan, ki kan Lidichal ngbaan ni aalahngaab mu, ki tii Liifai yaab mu baatun.

Nehemia 7:3

M nan bui bi ke bi li nyi ki taa piir ibisamɔi ngbaan kichakpinaanyeek ni see nwiin ti puu ki pɔɔk, aan ki ki piin ki laŋ i waahr aan bikikiib nin fii baatuln ni, kijook wɔb. M nan ki bui bi ke bi ban bikikiib, binib bi koo Jerusalem ponn ni na ni, ki tii bi ŋipepel ŋibaa bi li kii; ki ki ban biken mu bi li manni baadichal chee.

Ilahn 125:2

Ŋijoo aah mann goln Jerusalem aatiŋ pu na, kina le Uwumbɔr mu mann goln waanib n‑yoonn mue, ni n‑yoonn mu kaa kpa ndoon na.

Ilahn 144:12

Cha tijapɔtiib li bi ke isui i muuni ki pɔɔ na baanachipɔnn ni. Cha tibisatiib li bi ke ŋigonyaan ŋi tii libɔrchiln kinyaan na.

Ilahn 51:18

Uwumbɔr, san Sionn aanib kinimbaak ki ter bi, ki gir maa Jerusalem aagon.

Jeremia 33:10

Uwumbɔr bui ke, “Binib len le ke do chee na bi ke nteersakpiin ni na la, ke binib ni tiwakor aa koo nima. Ni mu sil ye mbamɔn; Juda aatim ni Jerusalem aatiŋ ponn ni ye nkuun la; binib ni tiwakor aa bi nima. Tɔ, ntim ngbaan ni, le ni ga ki ŋun mpopiin,

Jeremia 33:11

ni mmɔɔn, ni tibɔndinn aajim aakuun aafuuk pu. Ni ga ŋun binib aah joo ni baadoon aapiin Maadichal ni ki gaa ilahn pu na; bi ga len ke, ‘Di idoon tii Uwumbɔr Mpɔɔnsakpiindaan man, u kpa tiŋann, le waageehm aa kpa ndoon.’ M ga cha kitiŋ kee ki kan nkam ke kaah nan bi pu njan na. Min Uwumbɔr le len kina.”

Inandalahn 4:12

Ubaa aa nan bi nibaa chee, hali ntiyayam aayidam aa nan dak ke udin ga ŋmaa dii Jerusalem aabisamɔi ki koo ki ponn ni.

Daniel 9:25

Chuu tibɔr timina ki bee taatataa: Ki nyan n‑yoonn mu bi ga lii bumɔb ke bi ki gir maa Jerusalem aatiŋ na, ki ti saa buyoonn Uwumbɔr aah lee usaloln u na fuu ni na, ga li ye ŋibin ŋilole nfum mulole pu la. Bi ga ki gir maa Jerusalem aatiŋ, le isan ga li bi ki ponn ni, le ki li kpa tiwan ni kiir ki aan ki pɔɔ na; le ki ga sil ki ti saa ŋibin imonko itaa ni ŋilee nfum mulole pu; n‑yoonn ngbaan tee ga li ye tibɔbir aayoonn la.