Ilahn 146:9 - Uwumbɔr aagbaŋ

⁹ Uma le joo bicham bi bi timi aatiŋ pu na; u ter bikpopiib ni nkpobim, le ki tee bii bibiindam aah kpokl pu na.

Ilahn 146:9 ပူးပေါင်းရင်းမြစ်များ

2 Samuel 15:31

David aah ŋun ke Ahitofel ti kpee Absalom pu na, le u mee limeel ke, “Uwumbɔr, m gaŋ si ke aa kpeln Ahitofel aasurm mɔmɔk ŋa kijɔrk aaliin.”

2 Samuel 17:23

Ahitofel aah kan ke bi yii waasurm na, le u diŋ waabon pu ki gir kun udo aatiŋ ni. Waah ti gor waatuln doo na, le u leen ubaa ŋŋmin ki ku ubaa. Bi nan sub u baadichal aacheek ni la.

Esta 5:14

Le upuu ni ujɔtiib na mɔmɔk len ke, “Ba ŋa saa cha bi di ŋikpan kpaa tiwan ni fɔk sakpen na, ki ga pii ŋitaa imonko itaa ni kipiik ni ŋiŋmu na? Fen kichakpiik ni kan, aa bui ubɔr aan u cha bi leen Modekai iŋmin ni pu, le aa nin buen fen aajim ngbaan ni, ki li kpa mpopiin.” Hamann nan dakl ke baalandak ngbaan ŋan, le u cha bi kpaa tiwan ngbaan.

Esta 7:10

Kina pu na, bi nan leen Hamann iŋmin, ŋikpan ŋi pu u nan kpaa ke u leen Modekai na. Le ubɔr aaŋuul nin sɔŋ.

Esta 9:25

Le Esta nan buen ubɔr chee, le ubɔr siin nkaal mu bi ŋmee bil aan Hamann tee labr jin nkaal ngbaan aafalaa u u nan kpokl ke Juu yaab nan ji na; bi nan leen u ni ujapɔtiib ŋikpan pu.

Ilahn 10:14

Le aa kani, aa chur falaa ni tibɔbir mɔmɔk bilni, le ki gor n‑yoonn mɔmɔk ke aa ter binib. Unii u kaa kpa uteter na di ubaa tii si la, aa ter binib bi lann na n‑yoonn mɔmɔk.

Ilahn 145:20

U kiir unii umɔk gee u na, le ki tee ga kuln bibiindam.

Ilahn 147:6

U fiini binib bi suln bibaa taab na paacham, le ki tee wɔi bibiindam bilni kitiŋ.

Ilahn 18:26

Aa bi chain, binib bi bi chain na chee, le kaa gee bibiindam.

Ilahn 68:5

Uwumbɔr u bi waadichal li bi chain na ponn ni na lik nkpobim, le ki kii bikpopiib.

Ŋiyataŋak 15:25

Uwumbɔr ga kuln binib bi yoor bibaa paacham sakpen na aadichal, le ki tee ga li kii ukpopii aawangol ma.

Ŋiyataŋak 4:19

Tɔ, bibiindam aasan ma bɔɔn ke kinyeek na la. Bi lir, le ki mu aa waa baah gbeer tiwan ni na.

Jeremia 49:11

Di nimi aakpobim tii mi man, le m ga li kpiini bi. M ga ŋmaa joo nimi aakpopiib mu.

Hosea 14:3

Asiria yaab aan ŋmaa gaa timi lii, le butɔb aataan mu aan ŋmaa ter timi. Taan ki bui timi aawaa ke ŋima le ye timi Aawumbɔr. Uwumbɔr, aa san binib bi kaa kpa nterm na kinimbaak.”

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

1 Korenti 3:19

Ba pu? dulnyaa wee ni aalan ye kijɔrk le Uwumbɔr chee. Ni ŋmee Uwumbɔr Aagbaŋ ni ke, “U chur bilankpalb baalan ni,”

Ikaal 16:11

Nimi, ni nimi aamaal, ni nimi aatutum, ni Liifai yaab, ni biwɔwɔm, ni nkpobim, ni bikpopiib bi koo nimi aatim pu na mɔmɔk li kpa mpopiin Uwumbɔr aanimbiin ni. Ni mɔmɔk ŋa kina nin chee ni kpaani ki dooni Uwumbɔr na.

Jemisi 1:27

Unii yaa ter nkpobim ni bikpopiib baabɔr ni, ki yaa joo ubaa chain, ki di cha titunwanbir mɔmɔk kan, uma le dii Tite Uwumbɔr mbamɔm, ki bi chain Uwumbɔr aanimbil ni.