Ilahn 146:7 - Uwumbɔr aagbaŋ

⁷ u len tibɔr ter baah muk binib bi na, ki tii nkon aah joo binib bi na tijikaar. Uwumbɔr nyani binib bi bi tiyondir ponn ni na lir,

Ilahn 146:7 ပူးပေါင်းရင်းမြစ်များ

Ilahn 10:18

Aa ga ŋun bimukdam ni nkpobim aawiil, aa ga len tibɔr kpee bi pu, aan unibɔn u ye tiwan ni ga kpo na taa ki faan ubaa.

Ilahn 103:6

Uwumbɔr nyi baah muk binib bi na bɔr le ki ter bi ki tii bi baabamɔn.

Ilahn 12:5

Le Uwumbɔr bui ke, “Tɔ, m ga dan dandana wee, ba pu? binib bi kaa kpa na bi limukl ni la, le baah muk bi pu na, bi ker iween aadun. M ga tii bi lifuur li bi wii ban n‑yoonn mɔmɔk na.”

Ilahn 136:25

U tii tiwanfuurkaan mɔmɔk tijikaar; waageehm aa kpa ndoon.

Ilahn 142:7

Nyan mi maasuubiin ni, le m ga pak si, saanib aakuun ni, ba pu? aa kpa m pu tiŋann sakpen.

Ilahn 35:10

M ga di nsui mɔmɔk bui Uwumbɔr ke, “Ubaa aa ki bi ke sin na. Aa kii bigiim, binib bi pɔɔ na chee, ki kii bifalaadam binib bi muk bi na chee.”

Ilahn 68:6

U tii binib bi kaa kpa ubaa na nkookoo yaan, le ki nyani biyom kooni mpopiin aafuur ni, le binib bi yii waamɔb na ma ga li bi kitiŋ ki kaa kpa nibaa na ponn ni.

Ilahn 68:7

Uwumbɔr, saah nan cheen saanib buyoonn, ki nan di bi bɔ dii nteersakpiin ni na,

Ilahn 72:4

Cha ubɔr ji bigiim aabɔr mbamɔm, ki ter binib bi kaa kpa na, ki nyaŋ binib bi muk bi na.

Ilahn 9:16

Uwumbɔr aah joo ibamɔn ji tibɔr pu na, le u cha ti bee waah bi pu na; le bibiindaan aatunwanbir chur bi ke gaawɔb na.

Aisaya 61:1

Tidindaan Uwumbɔr di Waafuur Nyaan gbiin mi, u lee mi ki tun mi ke m tuk bigiim tibɔnyaan tee; u tun mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii a, ki tuk biyom mu ke bi kan bibaa a.

Aisaya 9:4

ba pu? aa gaa bi baatun ŋi nyuun ki nyaŋ bi na, ni likugeln li nyiibaa bibɔgbin pu na. Aa nyaŋ linibol li muk bi ki ŋa bi bijakaab na, ke saah nan nyaŋ Midiann aajab n‑yoonn mu jer na pu na.

Jeremia 31:14

M ga cha bitotoorb ji tijikaar nyaan ki ti bab, ki tii maanib baah ban pu na mɔmɔk. Min Uwumbɔr le len kina.”

Malakai 3:5

Uwumbɔr Mpɔɔnsakpiindaan ki bui ke, “M ga dan ni chee ki nan ji nimi tibɔr, ki bii binib bi joo inyɔk tun lituln na, ni bi ye bidagoob na, ni bi geei inyamɔn paani biken na, ni bi ji baatutum pem pem na, ni bi kaa tii bikpopiib ni nkpobim baabamɔn na, ni bi ji biwɔwɔm na, ni bi kaa pak mi na. M ga mɔk bi mɔmɔk ke baabɔr bii la.

Tibɔnyaan ti Luk ŋmee ti na 1:53

Binib bi nkon joo bi na, u tii bi tijikaar nyaan, bi ji bab. U cha biwankpadam chuun ni iŋaalpeen.

Tibɔnyaan ti Luk ŋmee ti na 4:18

“Uwumbɔr Aafuur Nyaan bi m ni; u nyan mi ke m tuk bigiim tibɔnyaan tee. U tun ni mi ke m nan sɔŋ binib bi kpa mpombiin na aasui, ki tuk binaagbiib ke m gaa bi lii la, ki tuk bijoom ke m likr binimbil, ki nyan bifalaadam baafalaa ni,

Tibɔnyaan ti Luk ŋmee ti na 9:17

Le bi mɔmɔk ŋman ki bab. Baah ŋman ki bab ki gur ni na, le waakpambalb yoor tijikaar ti gur na, ki gbiin tibɔɔkur kipiik ni tilee.

Lituln 16:26

Libuul ngbaan ni le kitiŋ deŋ sakpen, ki cha kiyondiik aadinyikl mu deŋ. Libuul ngbaan ni le kiyondiik aajaaleŋ mam mɔmɔk chuu piir. Le binaagbiib mɔmɔk aakululn chuu gbiln lir.

Lituln 5:19

Kinyeek ngbaan le Uwumbɔr aatuun dan nan chuu piir kiyondiik aajaaleŋ, le ki nyan bi, ki bui bi,