Ilahn 146:4 - Uwumbɔr aagbaŋ

⁴ Bi yaa nan kpo kan, bi ki kpaln titan la; baah ŋani ilandak i na mɔmɔk doo liyaadaal ngbaan le na.

Ilahn 146:4 ပူးပေါင်းရင်းမြစ်များ

Mpiin 2:7

Uwumbɔr nan di titan ki di naan uja, le ki fuur libuln ŋa umɔfal ni, le u kpaln unibɔn.

Mpiin 3:19

Aa ga ko le kitotoŋ naa si waahr, le aa nin kan tijikaar ki ji, ki ti saa saakundaal. Le aa ga ki gir koo titan ni; ba pu? aa nyan titan ni la. M nan di titan le naan si, le aa ga ki kpaln titan.”

Mpiin 6:17

M ga tun ni nwam dulnyaa wee ni, mu nan bii tiwanfuurkaan mɔmɔk. Tiwan nimɔk bi dulnyaa wee ni na ga kpo.

Job Aagbaŋ 14:10

Le unibɔn ma kpo kan, waadoon le na; u kee kpo kan, u ki bi la?

Job Aagbaŋ 14:21

Ujapɔtiib kani bunyuŋ, le waa nyi; le ubaa mu aan tuk u buyoonn bi ji inimɔɔn na.

Job Aagbaŋ 17:1

Maamɔfal aadoon peen ni a. Maa ki ŋmaa fuur; likaakul baanja le gur ye maamakl.

Job Aagbaŋ 17:11

Maawiin jer a; le maalandak bee fam; maamakl doo a.

Job Aagbaŋ 27:3

ke waah cha m bi limɔfal ni n‑yoonn mumɔk na,

Ilahn 104:29

Aa yaa fenn siir kan, le ijawaan chuu ni; aa yaa chuu naafuurk kan, le ni kpo, ki gir kpaln titan ti ponn ni ni nyan ni na.

Ilahn 33:10

Uwumbɔr bii ŋinibol aalandak la; u cha baa ŋmaa tun baah ba dak pu na.

Ilahn 90:3

Aa tuk unibɔn ke u ki gir ŋa waah nan ye tiwan ni na; aa cha u ki gir kpaln titan.

Ulandaan 12:7

Timi aawon ga ki gir kpaln kitiŋ aatan, le limɔfal aafuurk ga gir buen Uwumbɔr u di li tii timi na chee.

Ulandaan 9:6

Bi ni baageehm, ni baananaŋ, ni lineen kpaan kpo la. Baan ki ŋa tiwan ni ŋani dulnyaa wee ni na nibaa.

Aisaya 2:22

Aa yaa di aabaa tii unibɔn u ga kpo na kan, ba aanyoor bi kpa?

Inandalahn 4:20

Bi nan chuu timi aabɔr u ye timi aamɔfal na; uma le Uwumbɔr nan lee, le ti nan kpa limakl u pu ke u ga li kii timi bidim chee.

Daniel 5:23

Aa tun Paacham Aadindaan tiwan ni kaa ŋan na, ki yoor tiyikur ni ŋisambil ŋi nyan ni Waadichal ni na; le sin, ni saaninyuum, ni aapuutiib, ni aabɔtiib nyun ndaan tiyikur ni ŋisambil ngbaan ponn ni, ki pak ŋiwaa ŋi bi di salmaa, ni tikunabr, ni tikumann, ni tikur, ni idɔ, ni ŋitakpal naan ŋi na, ŋiwaa ŋi kaa waa, kaa ŋun tibɔr, kaa nyi nibaa na, kaa tee nyuŋni Uwumbɔr u lik ke aa ga li bi, bee aa ga kpo, ki joo tiwan ni mɔmɔk aa ŋani na.

1 Korenti 2:6

Tɔ, ti len nlan aabɔr ki tuk binib bi chikr Uwumbɔr aabɔr wɔb na. Nlan ngbaan mu aa ye dulnyaa aalan, ki mu aa ye dulnyaa wee ni aabɔrb aalan. Dulnyaa wee ni aabɔrb aapɔɔn bi bar la.