Ilahn 146:10 - Uwumbɔr aagbaŋ

¹⁰ Uwumbɔr le ye ubɔr n‑yoonn mɔmɔk. Sionn aatiŋ aanib, nimi Aawumbɔr aanaan aan doo. Pak Uwumbɔr man.

Ilahn 146:10 ပူးပေါင်းရင်းမြစ်များ

Ilahn 10:16

Uwumbɔr le ye ubɔr n‑yoonn mɔmɔk. Binib bi dooni ŋiwaa na ga kuln waatiŋ pu.

Ilahn 145:13

Saah ga joo binib pu na aa kpa ndoon. Aa ga li ye ubɔr n‑yoonn mɔmɔk. Uwumbɔr ŋani waah puu tipuur ti na mɔmɔk, ki san kinimbaak waatuln mɔmɔk ni.

Ilahn 147:12

Jerusalem, pak Uwumbɔr. Sionn, pak Saawumbɔr.

Nnyam 15:18

Sin Uwumbɔr le ga li ye ubɔr ki cha n‑yoonn mu kaa kpa ndoon na.”

Aisaya 12:6

Cha unii umɔk bi Sionn na teen ki gaa ilahn ke, Israel yaab Aawumbɔr u bi chain na ye Uwumbɔrkpaan la, le ki bi waanib chee.”

Aisaya 40:9

Jerusalem yaab, buen lijool li fɔk na paab man ki ti moon tibɔnyaan ngbaan. Teen mpɔɔn pu ki len ke, Sionn aanib, moon tibɔnyaan ngbaan man. Len mpɔɔn pu ki taa san ijawaan man. Tuk Juda aatim aanib ke Uwumbɔr choo.

Aisaya 52:7

Ni ga li kpa mpopiin ke ntuun ga nyan ni ŋijoo paab, ki joo ni tibɔnyaan ti tii nsuudoon na. U mooni linyaŋ ki bui Sionn aatiŋ ke, “Saawumbɔr le joo dulnyaa.”

Aisaya 9:7

Waanaan aapɔɔn aan li kpa ndoon. Waanaan ga li kpa nsuudoon n‑yoonn mɔmɔk. Uwumbɔr ga tii u uyaaja Ubɔr David aanaan. U ga li joo nnaan ngbaan ki cha mu li kpa mpɔɔn, ki ga tii binib baabamɔn ki cha mbimbinyaan li bi ki ti saa dulnyaa aadoon. Uwumbɔr Mpɔɔnsakpiindaan puu ke u ga ŋa kina.

Daniel 2:44

Bibɔrb ngbaan aapuwɔb le Uwumbɔr u bi paacham na ga siin nnaan mu kaan li kpa ndoon na. Ubaa aan ŋmaa nyaŋ mu butɔb ni, le muma tee ga kuln nnaan mɔmɔk ki li bi ki cha n‑yoonn mu kaa kpa ndoon na.

Daniel 6:26

Min le len ke maanaan mɔmɔk ni, binib mɔmɔk li san ki pak Daniel Aawumbɔr. U ye Uwumbɔr u kpa limɔfal na la, le u ga li joo dulnyaa ki ti saa n‑yoonn mu kaa kpa ndoon na. Ubaa aan ŋmaa bii waanaan, le waapɔɔn mu aan ŋmaa doo.

Daniel 7:14

Le u tii u mpɔɔn, ni kipak, ni nnaan aapɔɔn, ke binib bi bi ŋitimbol mɔmɔk, ni ŋinibol mɔmɔk, ni iliin mɔmɔk aanib na li dooni u. Waapɔɔn ga li bi n‑yoonn mɔmɔk, le waanaan mu aan li kpa ndoon.

Joel 3:17

“N‑yoonn ngbaan, le nimi Israel yaab ga bee ke min le ye Nidindaan Uwumbɔr. M bi Sionn, maajool li bi chain na pu la; Jerusalem ga li ye kitiŋ ki bi chain na la; le kaadim aan ki ŋmaa nyaŋ ki daalbaadaal.

Tibɔkpiirkaan 11:15

Le Uwumbɔr aatuun lolole mu pii waakakaan. Le ineel sakpiin len Uwumbɔr do ke, “Dulnyaa wee ni aanaan mɔmɔk kpaln Tidindaan Uwumbɔr ni Waabo Kristo aanaan la. U ga li joo mu n‑yoonn mu kaa kpa ndoon na.”