Ilahn 145:19 - Uwumbɔr aagbaŋ

¹⁹ U tii binib bimɔk nyuŋni u na baah ban pu na; u ŋun baawiil le ki nyani bi tibɔr ni.

Ilahn 145:19 ပူးပေါင်းရင်းမြစ်များ

1 Bibɔrb Aabɔr 4:10

Tɔ, Jabes nan mee Israel yaab Aawumbɔr ke, “Uwumbɔr, ŋa saanyoor ŋa m pu, ki tii mi kitiŋ ki wiir na. Li bi m chee, ki nyan mi kinimbɔŋ aawan nimɔk ga ŋmaa tii mi iween na ni.” Le Uwumbɔr nan tii u waah mee ki ban tiwan ni na.

Ilahn 20:4

U tii si saah ban pu na mɔmɔk, ki cha saalandak mɔmɔk ŋa saah ban pu na.

Ilahn 34:17

Binib bi aabimbin ŋan na yin Uwumbɔr, le u ŋun; u nyani bi baabɔr mɔmɔk ni.

Ilahn 34:18

Uwumbɔr bi duun binib bi aataakpab yɔl na la; le ki gaal binib bi kaa ki kpa limakl libaa na lir.

Ilahn 34:9

Uwumbɔr aanib mɔmɔk, kii waamɔb man; binib bi keei waamɔb na kani baah ban nimɔk na.

Ilahn 37:19

N‑yoonn yaa kaa nan ki ŋan kan, baan ji falaa; le nkon aayoonn kan, bi ga li kpa ni ŋeer bi na.

Ilahn 37:4

Li ban saamɔɔn Uwumbɔr chee, le u ga tii si aasui aah ban pu na.

Ilahn 91:15

Bi yaa yin mi kan, m ga kii baayim; bi yaa bi tibɔr ni kan, m ga li bi bi chee. M ga nyan bi tibɔr ni, ki nyuŋ bi.

Ŋiyataŋak 15:29

Uwumbɔr daa bibiindam chee, le ki ŋun binib bi aabimbin ŋan na ma aameel.

Matiu 5:6

Binib bi aanimbil man ke bi li ye bininyaam na, Uwumbɔr aanyoor bi bi pu. Binimbil ga gbiin.

Tibɔnyaan ti Luk ŋmee ti na 1:53

Binib bi nkon joo bi na, u tii bi tijikaar nyaan, bi ji bab. U cha biwankpadam chuun ni iŋaalpeen.

Jɔnn 15:16

Nimi le aa nyan mi. Min le nyan nimi, ki siin ke ni li ŋani tinyoor ti ga li bi n‑yoonn mu kaa kpa ndoon na, ke ni yaa mee Nte Uwumbɔr tiwan maayimbil pu kan, u ga tii nimi.

Jɔnn 15:7

Ni yaa kpaan m chee, ki yaa joo maaliin nisui ni kan, mee Uwumbɔr naah ban pu na man, le u ga ŋa kina tii nimi.

Jɔnn 16:24

Naa kee mee Uwumbɔr tiwan nibaa maayimbil pu, ki nan saa din. Ni li mee u, le ni ga kan, ki li kpa mpopiin mbamɔm.”

1 Jɔnn 5:15

Ti yaa bee ke u ŋun timi aameel kan, ti bee ke ti kan taah mee u tiwan ni na la.