Ilahn 145:10 - Uwumbɔr aagbaŋ

¹⁰ Uwumbɔr, saawanfuurkaan mɔmɔk ga pak si, le saanib mɔmɔk ga doon si.

Ilahn 145:10 ပူးပေါင်းရင်းမြစ်များ

Ilahn 103:22

Tiwanfuurkaan ni mɔmɔk bi waah joo nin chee mɔmɔk na, pak Uwumbɔr man. M joo nsui mɔmɔk pak Uwumbɔr la.

Ilahn 104:24

Uwumbɔr, aa naan tiwan sakpen a. Aa di nlansakpem le naan ni mɔmɔk, saawanfuurkaan le gbii kitiŋ pu.

Ilahn 149:5

Cha Uwumbɔr aanib li mɔɔni baah nyaŋ pu na pu, ki gaa mpopiin aalahn ti woln kitaak.

Ilahn 19:1

Kitaapaak kpiir Uwumbɔr aapak aah bi pu na ki mɔk chain. Ki mɔk waah tun pu na chain.

Ilahn 22:23

“Nimi bi ye Uwumbɔr aatutum na, pak u man. Nimi Jakob aayaabitiib, nyuŋ u man. Nimi Israel aanib, doon u man.

Ilahn 30:4

Uwumbɔr aanib bi dii u mbamɔm na, gaa ilahn ki pak u man. Teer man U bi Chain na aah ŋa pu na, ki doon u man.

Ilahn 30:5

Waaŋuul aa fiir ni yunni, le waaŋann ma aa kpa ndoon. Iwiil ga li bi kinyeek, le kichakpiik ni nan kpaln mpopiin.

Ilahn 32:11

Nimi bi ye bininyaam na, cha nisui li piin aan ni li mɔɔni, Uwumbɔr aah ŋa pu tii nimi na pu. Nimi bi kii waamɔb na, li tar man mpopiin pu.

Ilahn 57:9

Uwumbɔr, m ga doon si ŋitimbol ni; m ga pak si binib ni.

Ilahn 68:26

“Pak Uwumbɔr, waanib aakuun ni man; Nimi bimɔk ye Jakob aayaabitiib na, pak Uwumbɔr man.”

Ilahn 69:35

U ga gaa Jerusalem lii ki gir maa Juda aatim. Waanib le ga li koo nima ki li yeh kitiŋ ngbaan;

Ilahn 97:12

Nimi bi aabimbin ŋan na, li mɔɔni man, Uwumbɔr aah tun pu na pu. Teer Uwumbɔr u bi chain na aah ŋa pu na, ki tii u idoon.

Aisaya 44:23

Nimi kitaapaak yaab, li tar ni mpopiin pu man. Nimi kitiŋ yaab, teen mpɔɔn pu man. Ŋijoo ni isui imɔk bi kichook ni na, di mpopiin teen mpɔɔn pu man. Uwumbɔr mɔk waapɔɔn ki gaa waanib Israel yaab lii.

Hiibru Yaab 13:15

Yesu pu, cha ti pak Uwumbɔr n‑yoonn mɔmɔk, ki li dooni u waabulchinn pu. Nima le ye kitork ki tii u.

1 Piita 2:5

Ni mu bi ke ŋitakpal ŋi kpa limɔfal na. Uwumbɔr di nimi maa lidichal ke Waafuur Nyaan li bi li ni. U ban ke ni li ye uma ubaa aatotoorb, ki li tun waatuln, Waafuur Nyaan aapɔɔn pu. Yesu Kristo pu, le u ga gaa nimi aatuln ngbaan.

1 Piita 2:9

Tɔ, nimi bi gaa Uwumbɔr ki kii na le ye waanileekaam. Ni ye Uwumbɔr u ye Ubɔrkpaan na aatotoorb, ki ye litimbol li bi chain na, ki sil ye Uwumbɔr aanib. U lee nimi ke ni li tuk binib waah ŋan sakpen pu na; ba pu? u nyan nimi mbɔmbɔɔn ni, ki di koon waawiihn mu ŋan sakpen na ni.