Ilahn 143:11 - Uwumbɔr aagbaŋ

¹¹ Uwumbɔr, saah nan puu ke aa ga ŋa pu na, gaa mi lii; saaŋann sakpenn pu, nyan mi maabɔr ni.

Ilahn 143:11 ပူးပေါင်းရင်းမြစ်များ

Ilahn 119:107

Uwumbɔr, maafalaa nyaŋ sakpen a; cha m li kpa limɔfal saah nan puu ke m ga li kpa pu na.

Ilahn 119:25

M lir le ki dɔ titan ponn ni, cha maamɔfal ki gir ni ke saah puu ke aa ga ŋa pu na.

Ilahn 119:37

Taa cha ntafal li bi tiwan ni kaa kpa tinyoor na ni; saah puu pu na, li kpa m pu tiŋann.

Ilahn 119:40

M gee ke m joo saakaal; saabimbinyaan pu, tii mi limɔfapɔln.

Ilahn 119:88

Li kpa m pu tiŋann saageehm mu bi n‑yoonn mɔmɔk na pu, nima kan, m ga ŋmaa li joo saakaal.

Ilahn 138:7

Buyoonn tibɔr ti mann goln mi ni kookoo na, le aa gaal mi lir. Aa kiir maadim bi aaŋuul fii na ki joo saapɔɔn gaal mi lir.

Ilahn 143:1

Uwumbɔr, ŋun maameel. Saaŋann pu, ŋun maah gaŋni si pu na. Aa ye mbamɔndaan, kii maagaŋ ngbaan.

Ilahn 25:11

Uwumbɔr, li joo saah puu tipuur ti na, ki di maatunwanbir ti wiir sakpen na cha pinn mi,

Ilahn 25:17

Nyan mi maalandak ni, ni maabɔbir mɔmɔk ni.

Ilahn 31:1

Uwumbɔr, m dan aa chee, ki ban ke aa li kii mi la; taa cha bi nyaŋ mi daalbaadaal. Aa ye Uwumbɔr u ŋani ni ŋan na, m mee si, gaa mi lii.

Ilahn 34:19

Uninyaan kani ŋimuk aabɔŋ aabɔŋ la, le Uwumbɔr nyani u ŋi mɔmɔk ni;

Ilahn 71:2

Saabimbinyaan pu, ter mi ki gaa mi lii. Pel m chee ki ter mi.

Ilahn 85:6

Ki tii timi mpɔɔn, aan timi saanib ga pak si.

Habakuk 3:2

Uwumbɔr, m ŋun saah tun lituln li na pu, le ijawaan chuu mi sakpen. Tɔ, ŋa timi aayoonn mumina ŋitukpaan ŋi aa nan ŋani na. Hali saaŋuul ponn ni kan, san timi kinimbaak.