Ilahn 141:5 - Uwumbɔr aagbaŋ

⁵ Unii u aabimbin ŋan na ga ŋmaa daa ntafal ki di tibɔnyaan sur mi. Maan tee gaa kinyuŋ titunwanbirdam chee, ba pu? n‑yoonn mɔmɔk kan, m mee limeel baatunwanbir ngbaan pu la.

Ilahn 141:5 ပူးပေါင်းရင်းမြစ်များ

2 Bibɔrb Aabɔr 25:16

Le Amasia kpaan baa u ke, “Bayoonn aan ti di si ŋa ubɔr aasusur? Ŋmin aamɔb, naa ye kina kan, m ga cha bi ku si.” Le ubɔnabr ngbaan bui ke, “Dandana ma kan, m bee ke Uwumbɔr le siin ke saamɔfal junn, saah yii u ki tun pu na mɔmɔk pu,” le ki nin ŋmin.

Ilahn 125:4

Uwumbɔr, li kpa bininyaam bi joo saakaal na pu tiŋann.

Ilahn 23:5

Aa gor tijikaar ti wiir na siin mi, maadim mɔmɔk aanimbil ni; aa gaa mi ke uchanyuun na ki cha maayikuuk gbiin ki ti bar kpir.

Ilahn 51:18

Uwumbɔr, san Sionn aanib kinimbaak ki ter bi, ki gir maa Jerusalem aagon.

Ŋiyataŋak 12:1

Unii umɔk ban nlan na ban ke u yaa tun taani kan, bi tuk u la. Ni ye kijɔrk le ke aa yii nsurm buyoonn aa tun taani na.

Ŋiyataŋak 15:22

Nsurm yaa kaa bi kan, ilandak beer fam la, le bisusurb yaa wiir kan, i toor.

Ŋiyataŋak 15:5

Ni ye kijɔrk le ke aa yii aate aah mɔk si pu na; ni ŋan ke aa gaa waasurm.

Ŋiyataŋak 19:25

Ni ŋan ke kigaak kan ntafadaan, le binib bi kaa nyi nibaa na ga ŋmaa bae nlan. Aa yaa kpa nlan kan, buyoonn bi sur si na le aa ga bae.

Ŋiyataŋak 25:12

Ulandaan yaa sur unii u kpa ŋuntii na kan, ni kpa tinyoor ki jer salmaa ni ileenyaan i bi di salmaa ŋa i na.

Ŋiyataŋak 6:23

Baamɔkm ye nwiin mu moor lak lak na la, baasurm ga ŋmaa mɔk si saah ga li bi pu na.

Ulandaan 7:5

Binib bi kpa nlan na yaa sak si kan, ni soor ni bilatiirb li gaa ilahn ki pak si.

Liifai Yaab 19:17

“Aa taa li joo aaŋeen aatɔ liŋuul; pɔɔn aabaa ki toor nimi aabɔr ni man, nima kan, saan tun titunwanbir u pu.

Matiu 5:44

Min le tuk nimi: ni li gee nimi aadim man, [ki bui binib bi seei nimi na ke, ‘Uwumbɔr ŋa tinyoor ŋa ni pu;’ ki ŋa binib bi nan nimi na tiŋann,] ki mee Uwumbɔr ki tii binib bi ŋani nimi falaa ki muk nimi na.

Galantiya 6:1

Nnaabitiib, bi yaa pii unii titunwanbir ni kan, nimi bi nyi Uwumbɔr aasan mbamɔm na, ni li bi suuna ki ter u ke u ki dii mbamɔm, ki li lik aabaa, kinimbɔŋ taa tɔŋ aa mu.

Tibɔkpiirkaan 3:19

Maah gee binib bimɔk na, m sur bi ki dar bitafal. Nima pu na, cha ninimbil li man aan ni kpeln nimi aabimbin man.