Ilahn 141:4 - Uwumbɔr aagbaŋ

⁴ Li kii mi aan m taa li neen ke m tun taani, ki li kii mi m taa kpaan titunwanbirdam chee baabiin aatuln ni. Taa cha m kpaan bi chee baajim ponn ni.

Ilahn 141:4 ပူးပေါင်းရင်းမြစ်များ

Mpiin 27:14

Le Jakob buen le ki ti joo ni tiŋonann ngbaan, le una ŋa tijikaar nyaan ti ute gee sakpen na.

1 Bibɔrb 13:8

Uwumbɔr aabɔnabr ngbaan nan gar u ke, “Hali aa yaa di saawangol ligeln libaa le ŋa mi tiŋann kan, maan dii si, kaan ji, kaan nyu nibaa aaŋaal ni.

1 Bibɔrb 22:22

Le Uwumbɔr baa mu ke, ‘Aa ga ŋa kinye?’ Le mu gar u ke, ‘M ga buen le ki ti cha Ahab aabɔnabr mɔmɔk mɔnn inyamɔn.’ Le Uwumbɔr bui ke, ‘Li cha ki ti ŋmann u. Aa ga ti ŋman.’”

1 Bibɔrb 8:58

u cha ti li keei waamɔb, aan ti li bi n‑yoonn mɔmɔk ke waah ban ti li bi pu na, ki li joo waakaal, ni waah tuk tiyaajatiib pu na mɔmɔk.

Ilahn 119:36

Cha m li kpa lineen saakaal pu ki jer liwangol.

Ilahn 28:3

Aa yaa ban aa bii bibiindam, ni binib bi tun titunwanbir aan baamɔliin naahn kijɔtiik ki mu tee kpa kinanaŋ bisui ni na kan, taa di mi kpaan bi chee.

Aisaya 63:17

Ba ŋa aa cha ti yenn saasan chee? Ba ŋa aa cha titafal pɔɔ sakpen kina aan ti fenn tipuwɔb tii si? Gir ni, saanib bi ye saatutum ki ye sin yaab n‑yoonn mɔmɔk na chee.

Nkahm 25:2

Bipiib ngbaan nan chɔi bi, le bi chaa ti ji bido yaab aawaa ŋi bi dooni ŋi na aajim. Israel yaab nan ji baah di tijikaar ti tii baawaa na,

Matiu 6:13

Taa cha ti kan ntɔŋ. Nyan timi kinimbɔŋ aaŋaal ni. [Si le yeh nnaan, ni mpɔɔn, ni mpakm n‑yoonn mu kaa kpa ndoon na.’]

1 Korenti 10:31

Maah len pu na le ye ke ni yaa jin kan, jim ke ni nyuŋ Uwumbɔr; ni yaa nyun kan, nyum ke ni nyuŋ Uwumbɔr; ni yaa ŋani tiwan nimɔk na kan, ni li ŋani ke ni nyuŋ Uwumbɔr.

1 Korenti 15:33

Ni taa cha unii ubaa ŋmann nimi man. “Ni yaa dii binib bi kaa ŋan na kan, nimi aabimbinyaan ga bii.”

2 Korenti 6:17

Nima le cha Uwumbɔr ki bui ke, “Nya binib bi kaa dii mi na ponn ni man, ki li bi nibaa, ki di cha titunwanbir, le m ga gaa nimi.

Ikaal 2:30

“Le ubɔr Sihonn nan yii, ke ti taa dii waatiŋ ni jer. Nidindaan Uwumbɔr nan cha usui pɔɔk, le u yii Uwumbɔr aamɔb, le Uwumbɔr cha ti nyaŋ u, ki gaa baatiŋ ki ti laa koo ki ponn ni na.

Ikaal 29:4

Tɔ, ki yoor ki nan saa din wee na, waa cha ni bee naah nan kan tiwan nimɔk na aatataa.

Jemisi 1:13

Unii yaa kan ntɔŋ kan, u taa len ke Uwumbɔr le tɔŋ u; ba pu? Uwumbɔr aa gee titunwanbir, ki mu aa tɔŋni unii ubaa.

Tibɔkpiirkaan 18:4

Le m ki ŋun nneel nyan ni paacham ki len ke, “Maanib, nyan ni kitiŋ ngbaan aanib chee, ki taa kpaan tun titunwanbir bi chee, ki taa ji falaa u bi ga ji u na;