Ilahn 140:3 - Uwumbɔr aagbaŋ

³ Bilambil bi ke uwaa u kpa liluul na la; baamɔbon kpa liluul ke saapa aaluul na la.

Ilahn 140:3 ပူးပေါင်းရင်းမြစ်များ

Mpiin 3:13

Le Uwumbɔr baa upii ngbaan ke, “Ba ŋa aa ŋa kina?” Le upii bui u ke, “Uwaa le ŋmann mi, le m moo.”

Ilahn 57:4

Maadim mann gonn mi la, bi naahn ichinn i ŋmɔ binib na la. Baanyin naahn tikpaatunn ni ipiin la; le baalambil bi ke kijaak aajum mu ka na.

Ilahn 58:4

Bi kpa liluul ke iwaa na la, le ki ŋeeb bitafal

Ilahn 59:7

Li pel baah seei ki faani pu na. Baanyin bi ke kijaak aajum na le bimɔi ni, le ki dak ke ubaa aa pel bi chee la.

Ŋiyataŋak 12:18

Bɔyɔli tii iween ke kijaak aajuk aah ga tii iween pu na la, le nlan aamɔliin tii laafee.

Ŋiyataŋak 23:32

Kitaak yaa woln kan, aa ga li bi le ke uwaa u kpa liluul na le aah juu si na.

Ŋiyataŋak 6:14

le ki bi dak tibɔbir baasuuwanbir ngbaan ni, ki fikr tibɔkpokr ni kookoo.

Aisaya 59:13

Ti yii si, kaa si aapuwɔb, kaa dii saasan. Ti muk biken, ki fenn tipuwɔb tii si. Timi aalandak, ni timi aamɔliin mɔmɔk ye inyamɔn la.

Jeremia 9:3

Bi gee ke bi li geei inyamɔn n‑yoonn mɔmɔk la; le beebee aatuln ŋmeen bi kitiŋ ngbaan pu. Uwumbɔr bui ke, “Maanib yaa tun titunwanbir tibaa kan, le bi di tiken kpee, kaa nyi mi ke min le ye Baawumbɔr.”

Jeremia 9:5

Bi ŋmanni bijɔtiib la, le ubaa aa len ibamɔn, bi mɔk bilambil inyamɔn aageei pu, kaan di cha titunwanbir aatuln. Bi yaa ti tun titunwanbir tibaa kan, le bi di tiken kpee ni, le tibɔŋmannkaan tibaa paa tiken pu. Uwumbɔr bui ke waanib yii u.

Inandalahn 3:62

Bi len maabɔr le ki kpokl m pu le nwiin ti lir.

Matiu 12:34

Nimi ikuub aabim, ni ye titunwanbirdam la. Ni ga ŋa kinye ki len iliin i ŋan na? Ilandak i gbii unii aasui ni na, ima le u ga len.

2 Korenti 11:3

M san ijawaan ke binib ga ŋmann nimi, ni taa ki dii Kristo mbamɔm, ke kinimbɔŋ aah nan ŋmann Adam aapuu Iif pu na.