Ilahn 140:13 - Uwumbɔr aagbaŋ

¹³ Binib bi aabimbin ŋan na ga sil pak si; bi ga li bi aanimbiin ni la.

Ilahn 140:13 ပူးပေါင်းရင်းမြစ်များ

Job Aagbaŋ 36:6

Waa cha titunwanbirdam kpa limɔfafɔfɔŋ, le ki ŋani bigiim mbamɔm n‑yoonn mɔmɔk.

Ilahn 11:7

Uwumbɔr ŋani ni ŋan na, le ki gee lituln li ŋan na; le binib bi kpa mbimbinyaan na ga li bi unimbiin ni.

Ilahn 16:11

Aa ga mɔk mi limɔfal aasan; saah bi m chee pu na le gbiini mi mpopiin, ki joo ni mi mmɔɔn n‑yoonn mɔmɔk.

Ilahn 23:6

M nyi ke aa ga li gee mi, ki ŋani mi tiŋann, ki ti saa maakundaal; le saadichal ga li ye ndo maamɔfal ni ki ti saa maakundaal.

Ilahn 32:11

Nimi bi ye bininyaam na, cha nisui li piin aan ni li mɔɔni, Uwumbɔr aah ŋa pu tii nimi na pu. Nimi bi kii waamɔb na, li tar man mpopiin pu.

Ilahn 35:10

M ga di nsui mɔmɔk bui Uwumbɔr ke, “Ubaa aa ki bi ke sin na. Aa kii bigiim, binib bi pɔɔ na chee, ki kii bifalaadam binib bi muk bi na chee.”

Ilahn 73:24

Aa di saamɔkm le mɔk mi nsan, le nimina aadoon na, aa ga nan di kinyuŋ le gaa mi.

Ilahn 97:12

Nimi bi aabimbin ŋan na, li mɔɔni man, Uwumbɔr aah tun pu na pu. Teer Uwumbɔr u bi chain na aah ŋa pu na, ki tii u idoon.

Ŋiyataŋak 22:23

Uwumbɔr le ga len baabɔr tii bi, ki ga ku binib bi ban bi ku bi na.

Aisaya 3:10

Binib bi aabimbin bi chain na ga li kpa mpopiin, le baawan mɔmɔk ga li dii nsan. Baah tun ki kan pu na, bi ga ji ni ni mpopiin.

Jɔnn 14:3

M yaa buen ti toor nkookoo yaan ki kiir nimi kan, m ga gir ni, ki nan yoor nimi buen mbaa chee, ni ti li bi maah ga li bi nin chee na.

Jɔnn 17:24

“Nte Uwumbɔr, saah tii mi binib bi na, m ban bi mu li bi maah bi nin chee na, ki kan saah nyuŋ mi pu na; saah kaa nan kee naan dulnyaa buyoonn na, aa nan gee mi.

1 Tesalonika 4:17

Njan, Yesu aanib bi kpo na le ga fikr nkun ni, le Uwumbɔr nin kpaan yoor bi ni waanib bi mu ga li bi n‑yoonn ngbaan na, le bi ti tooh Tidindaan ntaalangbam ni, paacham. Kina le ti ga li bi Tidindaan chee n‑yoonn mu kaa kpa ndoon na.