Ilahn 138:3 - Uwumbɔr aagbaŋ

³ M nan yin si, le aa kii maayim; aa di saapɔɔn le tii mi mpɔɔn.

Ilahn 138:3 ပူးပေါင်းရင်းမြစ်များ

Ilahn 18:6

M yin Uwumbɔr maamukl ni; m yin Maawumbɔr ki ban nterm. Le u bi waadichal ni ki ŋun maaneel; u nan ŋun maaterm aawiil pu.

Ilahn 27:14

Di naadii tii Uwumbɔr. Li kpa gaakii, taa cha aataakpab yɔl; di naadii tii Uwumbɔr.

Ilahn 28:7

Uwumbɔr kii mi le ki lik mi; le m di naadii tii u. U tii mi nterm ki piir nsui; m joo mpopiin aalahn le pak u.

Ilahn 29:11

Uwumbɔr le tii waanib mpɔɔn, ki ŋani tinyoor ŋani bi pu, ki tii bi nsuudoon.

Ilahn 34:7

Uwumbɔr aatuun le kii binib bi keei waamɔb na, le ki nyani bi linimaln ni.

Ilahn 63:8

M bub joo si la, le aaŋaal tii mi ŋŋmarm.

Aisaya 12:2

Uwumbɔr le ye maagaaliidaan; m ga tii u naadii kaan san ijawaan. Uwumbɔr tii mi mpɔɔn; uma le ye maagaaliidaan.

Aisaya 41:10

Taa san ijawaan man. M bi ni chee. Min le ye nimi Aawumbɔr, taa cha nibaa faan nimi man. M ga tii nimi mpɔɔn ki ter nimi; m ga li kii nimi ki nyan nimi tibɔr ni.

Aisaya 65:24

Waahr aan bi nin mee mi doo na, m ga kii baameel.

Inandalahn 3:57

Aa nan ŋun le ki bui mi ke m taa san ijawaan.

Daniel 10:18

Le u ki gir chuu mi le nwon moo pɔɔk.

Daniel 10:19

Le u bui mi ke, “Uwumbɔr gee si, kina pu na, taa cha nibaa li muk si, bee ni faan si.” Waah ki len kina na, le nwon moo pɔɔk sakpen, le m bui ke, “Maaninkpel, tuk mi saah kpa pu aa len na. Aa cha nwon chuu a.”

Sekaria 10:12

M ga tii maanib mpɔɔn; bi ga kii maamɔb ki li dooni mi.” Uwumbɔr le len kina.

Efesusi 3:16

Waah kpa mpɔɔn sakpen pu na, le m mee u ke u tii nimi mpɔɔn nisui ni, Waafuur Nyaan pu,

Efesusi 6:10

Nnaabitiib, gbelngbeln yaan le ye ke Tidindaan aah kpa mpɔɔn sakpen pu na, ni li kpa mpɔɔn mu u tii nimi na.

Filipi 4:13

Kristo aah tii mi mpɔɔn mu na, m ga ŋmaa ŋa tiwan mɔmɔk.

Kolosiya 1:11

Ti mee u tii nimi ke waah kpa mpɔɔn sakpen pu na, u tii ni mu mpɔɔn, aan ni li kpa limɔr falaa ponn ni n‑yoonn mɔmɔk, ki li kpa mpopiin,

1 Piita 5:10

Ni yaa ji falaa ni yunn siib kan, Uwumbɔr ga ter nimi, ki tii nimi mpɔɔn ni li dii u mbamɔm, ki taa gir puwɔb. Ba pu? nterm mɔmɔk nyan ni uma le chee. U nan yin nimi Kristo pu, ke ni nan ji waamɔɔn n‑yoonn mu kaa kpa ndoon na.

1 Samuel 30:6

David nan gur bi tibɔsakpenn ni la; ba pu? waajab aasui nan bii baah kaa ki kpa mbim pu na pu, le bi nan ban bi mae u ŋitakpal; Uwumbɔr mu nan tee tii u ntaakpapɔɔn.