Ilahn 136:6 - Uwumbɔr aagbaŋ

⁶ U maa kitiŋ tɔŋ nnyun mu nyoo na pu; waageehm aa kpa ndoon.

Ilahn 136:6 ပူးပေါင်းရင်းမြစ်များ

Mpiin 1:9

Uwumbɔr nan ki bui ke, “Nnyun mu bi kitiŋ pu na kpaan tɔb chee ki cha kitiŋ.” Le mu ŋa kina.

Job Aagbaŋ 26:7

Uwumbɔr le daa taln ŋŋangan wɔb aataapaak ki di kitiŋ laŋ, nibaa aa joo ki.

Job Aagbaŋ 37:18

Aa ga ŋmaa ter Uwumbɔr aan u daa taln kitaapaak ki cha ki li pɔɔ ke tikur ti joon kpal kpal na aa?

Ilahn 24:2

U maa kitiŋ na nnyun mu nyoo ki bi kitiŋ aataab pu na la, le ki ŋa kaadinyikl nnyusakpem aataab.

Aisaya 40:22

Uwumbɔr u ka waabɔrjal li bi paacham kitaapaak ni na le nan naan dulnyaa wee; binib bi bi taab na naahn inyann le u chee. U taln kitaapaak ke likekeln na la, ke baah ga ŋa likekeln aabool ki li koo li ponn ni pu na.

Aisaya 42:5

Uwumbɔr le nan naan kitaapaak ki daa taln ki; u nan naan kitiŋ ni nimɔk bi ki ponn ni na; Uma ubaa le tii binib mɔmɔk limɔfal, ni libuln li ti fuur na. Le dandana wee Tidindaan Uwumbɔr bui waatutunn ke,

Aisaya 44:24

“Min le ye Uwumbɔr u gaal nimi lir na. Min le naan nimi. Min le ye Uwumbɔr u naan tiwan mɔmɔk na. Min baanja le daa taln kitaapaak; maah nan naan kitiŋ kee na, ubaa aa nan ter mi.

Jeremia 10:12

Uwumbɔr di waapɔɔn le naan kitiŋ; waalan le u di naan dulnyaa wee, le ki taln paacham.

Sekaria 12:1

Uwumbɔr aah nan len Israel aabɔr ti na sɔ. Uma le ye Uwumbɔr u taln kitaapaak na. Uma le naan kitiŋ, le ki tii unibɔn limɔfal. U len ke,