Ilahn 136:12 - Uwumbɔr aagbaŋ

¹² U nan di waaŋaal mu kpa mpɔɔn sakpen na le ŋa kina; waageehm aa kpa ndoon.

Ilahn 136:12 ပူးပေါင်းရင်းမြစ်များ

Ilahn 44:3

Saanib aa nan di baajaak aajum le nyaŋ ki gaa kitiŋ ngbaan; baa nan di bibaa aapɔɔn le di kan linyaŋ ngbaan; ni nan ye sin aapɔɔn pu la; saah nan bi bi chee pu na le nan cha bi nyaŋ, le ki mɔk ke aa gee bi.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:3

Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 15:6

Uwumbɔr, saaŋangii le tun mpɔɔn aatuln li kpa kipak na; muma le kool saadim aakpab yuk yuk.

Nnyam 6:6

Nima pu na, tuk Israel yaab ke, ‘Min le ye Uwumbɔr. M ga gaa nimi lii, ki nyan nimi tinaagbiir ni, Ijipt yaab chee. M ga yoor maaŋaal mu kpa mpɔɔn na paacham, ki daa binib ngbaan aatafal, le ki ga gaa nimi lii.

Jeremia 32:21

Saajinjiir ni iwaan aatun le nan cha ijawaan chuu timi aadim, le aa di saapɔɔn nyan ni saanib Israel yaab, Ijipt aatiŋ ni.

Lituln 7:36

Uma Moses le nyan bi Ijipt aatiŋ ni, ki tun lijinjiir aatun nima chee, ni Limɔɔkal Aanyusakpem ni, le ki ti nin tun lijinjiir aatun timoor ni, ŋibin imonko ilee.

Ikaal 4:34

Liwaal libaa kee buen litimbol yayan ni, ki ti nyan ni binib, ki di bi ŋa laanib, ke Nidindaan Uwumbɔr aah ŋa nimi pu Ijipt aatiŋ ni pu na aa? Ninimbil ni, le u nan di waapɔɔn sakpiin tun, ki joo ni iween, ni butɔb, ki ŋa iwaan, ni lijinjiir aatun, ki cha ijawaan aawan ŋa.