Ilahn 136:11 - Uwumbɔr aagbaŋ

¹¹ U nan nyan Israel yaab Ijipt aatiŋ ni; waageehm aa kpa ndoon.

Ilahn 136:11 ပူးပေါင်းရင်းမြစ်များ

Ilahn 105:37

le ki nin cheen Israel yaab nyan kitiŋ ngbaan ponn ni. Bi nan tu tikunabr ni salmaa mam, le bi mɔmɔk kpa laafee ki pɔɔ.

Ilahn 78:52

le ki nin cheen waanib nyan ke upihdaan na, ki mɔk bi nsan, nteersakpiin ni.

Nnyam 12:41

Nwiin mundaal ŋibin ikui inaa ni piitaa doo na, le Uwumbɔr aanibol aanib ngbaan nan nyan Ijipt aatiŋ ponn ni.

Nnyam 12:42

Kinyeek ngbaan le Uwumbɔr nan lik bi le ki nyan ni bi Ijipt aatiŋ ni. N‑yoonn mɔmɔk, kinyeek ngbaan daal yaa fuu ni kan, see Israel yaab nyuŋ Uwumbɔr kinyeek ngbaan, kaa geeni.

Nnyam 12:51

Liyaadaal ngbaan le Uwumbɔr nan nyan Israel aanibol Ijipt aatiŋ ni.

Nnyam 13:14

N‑yoonn mu choo na, saabijabo yaa baa si naatataa kan, aa bui u ke, ‘Uwumbɔr nan di waapɔɔn le nyan ni timi Ijipt aatiŋ ni, nin chee ti nan ye binaagbiib na.

Nnyam 13:16

Ti ŋani kina le ki teer, le ni naahn ke taah di tiwan nibaa le gbin tiŋaal, bee ti di tam tiyigbeer na; ni cha ti teer ke Uwumbɔr le di waapɔɔn sakpiin na nyan ni timi Ijipt aatiŋ ni.’”

Nnyam 13:17

N‑yoonn mu Ijipt aabɔr ngbaan nan tii nsan ke binib ngbaan nya ki li cha na, Uwumbɔr aa nan cha bi dii Filistia aasan, nsan ngbaan mu le nan geei kaa daa. Uwumbɔr nan dakl ke, “Maa ban binib ngbaan kpeln baalandak ki gir buen Ijipt aatiŋ ni buyoonn bi kan ke bi ga to butɔb nsan ni na.”

Nnyam 13:3

Moses nan bui binib ngbaan ke, “Teer nwiin mue daal man, nwiin mundaal ni nyan Ijipt aatiŋ ni, nin chee ni nan ye binaagbiib na. Nwiin mue daal le Uwumbɔr di waapɔɔn nyan ni nimi. Ni taa ji boroboro u kpa boroboro aanyɔk na.

Nnyam 13:9

Ni yaa ti ŋa kina kan, le ni ga teer nimi; ni ga li naahn ke naah di tiwan nibaa le gbin niŋaal pu, bee ni di tam niyigbeer na la, ni ga teer nimi, le ni ga li len ki bae Uwumbɔr aakaal, ba pu? Uwumbɔr le di waapɔɔn nyan ni nimi Ijipt aatiŋ ni.