Ilahn 135:7 - Uwumbɔr aagbaŋ

⁷ U cha kitaabuŋ nyani kitiŋ aanaanmɔk; ki tii kitaabuŋ mmii mu moor lak lak na, uma le ki cha libuln nyan ni waah siini waawan nin chee na.

Ilahn 135:7 ပူးပေါင်းရင်းမြစ်များ

1 Bibɔrb 18:1

Ni nan bi cha ki ti saa ntaaweel ngbaan aabitatar ni, le Uwumbɔr bui Elaija ke, “Buen ki ti di aabaa mɔk Ubɔr Ahab aan m cha utaal sunn ni.”

Job Aagbaŋ 5:10

U cha utaal nu kitiŋ pu le ki tii ikpaakon nnyun.

Ilahn 107:25

U nan di umɔb le len, le libusakpeln piin ki bi daar le ki fiin tinyunkpenn.

Ilahn 148:8

utaal aah moor pu na, ni ŋitaanal, ni ntaalangbam, ni ŋibun ŋi pɔɔ ki kii waakaal na, pak u man.

Ilahn 78:26

U nan ki cha liwipuul wɔb aabuln daa, ki cha waapɔɔn fiin ŋŋangii wɔb aabuln,

Jeremia 10:13

U yaa len kan, le nnyun mu bi kitaapaak na ŋuuni ke uchinn na; u nyani ntaalangbam kitiŋ aanaanmɔk. Utaal yaa nu kan, u cha u moor ki cha libuln nyani waah siin li nin chee na.

Jeremia 14:22

Ŋitimbol aawaal libaa aan ŋmaa cha utaal nu; kitaapaak kibaa aan ŋmaa cha titaapupur dan. Tidindaan Uwumbɔr, ti di timi aamakl ŋa sin ni la, ba pu? sin baanja le ŋani tiwan mɔmɔk.

Jeremia 51:16

Uma le len, le nnyun mu bi kitaapaak na ŋuuni; u cha ntaalangbam nyani kitiŋ aanaanmɔk ki choo. Utaal yaa nu kan, u cha u moor, le ki nyani libuln waah di li siin nin chee na.

Jona 1:4

Tɔ, Uwumbɔr nan cha libupɔɔl libaa dan nan lir nnyusakpem ngbaan pu, libuln ngbaan nan bir pam, le buŋɔb ngbaan nan ban bu wii ki muin.

Sekaria 10:1

Mee Uwumbɔr ke u cha utaal nu unaalan yoonn. Uwumbɔr le cha utaal aataalangbam ni titaapupur choo, le ki cha timoor bunn ki tii unibɔn mɔmɔk.

Jɔnn 3:8

Libuln daar cha laah ban nin chee na, le aa ŋun laah kpa kifuuk pu na, kaa nyi laah nyan ni nin chee na, ki mu aa nyi laah cha nin chee na. Ni bi kina le ki tii unii umɔk Uwumbɔr Aafuur Nyaan ma u na.”