Ilahn 134:2 - Uwumbɔr aagbaŋ

² Yoor niŋaal paacham Waadichal ni, ki mee uma Uwumbɔr ki pak u man.

Ilahn 134:2 ပူးပေါင်းရင်းမြစ်များ

Nehemia 8:6

Le Esra bui ke, “Pak Uwumbɔr man, u ye Uwumbɔr Sakpiin la.” Le binib ngbaan mɔmɔk yoor biŋaal paacham ki kii ke, “Amii, amii.” Bi mɔmɔk nan gbaan kitiŋ ki doon Uwumbɔr, le binimbil chik kitiŋ.

Ilahn 141:2

Gaa maameel ke tulalee aayon aatork na, ki gaa maaŋaal i m yoor paacham na ke kijook aatork na.

Ilahn 26:6

Uwumbɔr, m ŋir ŋŋaal le ki mɔk ke maa kpa taani ubaa, le ki chuun manni saatork aabimbiln ki dooni si.

Ilahn 28:2

M yaa wii yin si ki ban nterm, ki yoor ŋŋaal mɔk Saadichal li bi chain na kan, pel m chee.

Ilahn 63:2

Cha m kan si saadichal ni, cha m kan saah kpa mpɔɔn, ni kipak pu na.

Ilahn 63:4

Maah bi limɔfal ponn ni n‑yoonn mumɔk na, le m ga li dooni si, m ga yoor ŋŋaal paacham ki li mee si.

Ilahn 63:5

M ga bab ke maah jin tijikaar ti ŋan sakpen na le na, le m ga gaa mpopiin aalahn ki pak si.

Inandalahn 2:19

Li fiir kinyeek ki wii ban nterm Uwumbɔr chee. Di aasui mɔmɔk wii ki gaŋ u aan u san saabim kinimbaak. Nkon ku mbim bilni kitiŋ ponn ni aalɔlɔnn mɔmɔk ni la.

Inandalahn 3:41

Cha ti piir tisui tii Uwumbɔr u bi paacham na ki mee limeel ke,

1 Timoti 2:8

M ban ke bijab bi bi ŋipepel mɔmɔk na mee Uwumbɔr, ki yoor iŋaal paacham. Bi li ye binib bi bi chain na, ki taa li kpa liŋuul, ki taa li kpa kinikpakpak.