Ilahn 132:9 - Uwumbɔr aagbaŋ

⁹ Cha saatotoorb li tun lituln li ŋan na n‑yoonn mɔmɔk. Cha saanib gaa mpopiin aalahn.

Ilahn 132:9 ပူးပေါင်းရင်းမြစ်များ

2 Bibɔrb Aabɔr 6:41

Tidindaan Uwumbɔr, fii sil, ki dii Nkaal Aadakaa, u ye saapɔɔn aamɔkl na, koo Saadichal ngbaan ponn ni, ki li koo do n‑yoonn mɔmɔk. Ŋa saanyoor ŋa saatotoorb aatuln mɔmɔk pu, ki cha saanib li kpa mpopiin saah kpa bi pu tiŋann ti na pu.

Job Aagbaŋ 29:14

M tun dii nsan le ki si chob.

Ilahn 104:1

M joo nsui mɔmɔk pak Uwumbɔr la. Ndindaan Uwumbɔr, saapɔɔn nyaŋ sakpen a. Aa kpa nnaan aapɔɔn ni nnyuŋ;

Ilahn 132:16

M ga ŋa maanyoor ŋa kaatotoorb aatuln mɔmɔk pu, le kaanib ga gaa mpopiin aalahn mpɔɔn pu.

Ilahn 149:5

Cha Uwumbɔr aanib li mɔɔni baah nyaŋ pu na pu, ki gaa mpopiin aalahn ti woln kitaak.

Ilahn 47:1

Binib mɔmɔk, faa ŋibambaan mpopiin pu man. Gaa ilahn mpɔɔn pu ki pak Uwumbɔr man.

Ilahn 68:3

Le bininyaam ma kpa mpopiin ki mɔɔni unimbiin ni, bi kpa mpopiin le ki tar mmɔɔn pu.

Ilahn 70:4

Cha binib bi choo aa chee na li kpa mpopiin ni mmɔɔn. Cha binib bi dooni si saah gaa bi lii pu na li len n‑yoonn mɔmɔk ke, “Uwumbɔr aapɔɔn nyaŋ sakpen a.”

Ilahn 93:1

Uwumbɔr le ye ubɔr. U kpa nnaan aapak ni mpɔɔn. Kitiŋ nyal si kaabuul ni, kaan foor.

Aisaya 61:10

Jerusalem mɔɔni Uwumbɔr aah ŋa pu tii u na pu. U gor ubaa ke usapɔɔn u ban u kun uchal do na aah gor ubaa pu pu na la. Uwumbɔr di ŋŋmarm ni linyaŋ di peen u.

Aisaya 65:14

Bi ga di mpopiin gaa ilahn, le nimi ga wii, nisui aah ga li bii pu na.

Sefania 3:14

Israel aanib, li mɔɔni ki tar man. Jerusalem aatiŋ, li mɔɔni sakpen.

Sekaria 9:9

Li mɔɔni man, Sionn aanib, li mɔɔni man. Nimi Jerusalem aanib, li tar mpopiin pu man. Lik, nimi aabɔrkpaan choo ni chee la. U ye ubimbinyaandaan le ki joo linyaŋ choo, u sunn ubaa taab le ki dik ubon pu, u dik ubon u laa diin na pu la.

Rom Yaab 13:14

Ni li bi ke Tidindaan Yesu Kristo aah bi pu na, ki taa ki li ŋani nimi aabimbikpok aah ban pu na.

1 Piita 5:5

Nimi bi kaa por na, ni li keei binib bi kpeln nimi na aamɔb. Ni mɔmɔk li sunni nibaa taab, ki li ter tɔb. Ba pu? Uwumbɔr Aagbaŋ len ke, “Uwumbɔr yiil kalmbaanidam, le ki lik faar binib bi sunni bibaa taab na.”

Tibɔkpiirkaan 19:8

Uwumbɔr tii u ŋikekenyaan ŋi bi chain ki wiin na, u di gbab.” Ŋikekenyaan ngbaan le ye Yesu aanib aatunyaan.

Bibɔjirb 5:31

Uwumbɔr, cha saadim mɔmɔk kpoi kina, ki tee cha aajɔtiib li moor lak lak ke nwiin mu laa bi puur ni na. Tɔ, nsuudoon nan bi kitiŋ ngbaan pu ki ti saa ŋibin imonko ilee.