Ilahn 132:2 - Uwumbɔr aagbaŋ

² Uwumbɔr, teer tipuur ti u nan puu na tii si u ye Mpɔɔnsakpiindaan u Jakob mu nan dii na.

Ilahn 132:2 ပူးပေါင်းရင်းမြစ်များ

Mpiin 49:24

Saatɔm aa diŋni, le aaŋaal mu pɔɔ. Aate Jakob Aawumbɔr Mpɔɔnsakpiindaan, uma Uwumbɔr u lik Israel yaab na le tii si mpɔɔn.

2 Samuel 7:1

Ubɔr David nan ka waabɔrchiln ni, le Uwumbɔr kii u, waadim aa ŋmaa ŋa u nibaa.

2 Samuel 7:2

Le ubɔr ngbaan nan bui Uwumbɔr aabɔnabr Natann ke, “Min le ka do lidichal li bi di santina maa li na ponn ni na, le Uwumbɔr Aakaal Aadakaa tee bi likekeln aabool ponn ni.”

1 Bibɔrb Aabɔr 28:2

David nan sil binimbiin ni ki tuk bi tibɔr timina ke: “Ndo yaab, li pel man. M nan ban ke m maa lidichal li kaan ki lir na, ki di Nkaal Aadakaa, u ye Tidindaan Uwumbɔr aataa aajal na siin li ponn ni. M gor tiwan mɔmɔk ke m maa Uwumbɔr Aadichal ki nyuŋ u,

Ilahn 119:106

M ga li joo maapuur kpaan ti m puu ke m ga li dii saakaal bamɔnn na.

Ilahn 132:5

see m ti maa nin chee Uwumbɔr ga li koo na, uma Uwumbɔr Mpɔɔndaan u tiyaaja Jakob nan dii u na.”

Ilahn 46:11

Uwumbɔr Mpɔɔnsakpiindaan bi ti chee; uma u nan ye Jakob Aawumbɔr na le ye timi aabɔbɔryaan.

Ilahn 50:1

Tidindaan Uwumbɔr Mpɔɔnsakpiindaan le len na; u yin kitiŋ kee pu yaab mɔmɔk ki nyan liwipuul ki ti saa liwilir wɔb.

Ilahn 56:12

Uwumbɔr, maah puu ke m ga tii si pu na, m ga ŋa kina; m ga tii si maadoon aapiin;

Ilahn 65:1

Uwumbɔr, ni ŋan ke ti pak si Sionn aatiŋ ni, ki li joo taah puu tipuur ti tii si na,

Aisaya 49:26

M ga cha binib bi muk si na ku tɔb ki ŋmɔ tɔb; bi ga nyun tɔb aasin gbii ke baah nyun ndaan le na. Le unibɔn mɔmɔk bee ke min le ye Uwumbɔr u gaal si lir ki cha aa fuur na. Bi ga bee ke min le ye Israel yaab Aawumbɔr u kpa mpɔɔn sakpen na.”

Aisaya 60:16

Ŋitimbol ni bibɔrb le ga li tun tii si, ke ubo aana aah kpiini u pu aan u ti chikr na. Aa ga bee ke min Uwumbɔr le gaa si lii; min Israel yaab Aawumbɔr Mpɔɔnsakpiindaan na le gaa si lii kookoo.