1 Uwumbɔr, maasuubiin ponn ni le m yin si.
M lik ŋijoo paab; la chee aan maaterm ga nya ni?
M nan kpa mpopiin buyoonn bi nan bui mi ke, “Cha ti buen Uwumbɔr Aadichal ni” na.
Uwumbɔr, m lik sin pu la, m lik paacham, nin chee aa bi ki joo dulnyaa na.
Israel yaab, gar mi man, Uwumbɔr yaa kaa ba si tipuwɔb kan, ti ba bi la?
Binib bi kii tii Uwumbɔr na naahn Sionn Aajool li kaa damni, kaa foor kpala na la.
Uwumbɔr aah nan di timi giin Jerusalem aatiŋ ni na, ni nan naahn tidaŋ la.
Uwumbɔr yaa kaa maa lidichal kan, udimaar aatuln ye fam la; Uwumbɔr yaa kaa kiir kitiŋ kan, ukikiir u si kii na aatuln ye fam la.
Binib bi san Uwumbɔr ki joo waakaal na kpa mpopiin.
Israel aatimbol, bui timi saah nan laa diin aan saadim muk si pu na aabɔr:
Uwumbɔr nan nyan ni paacham le ki laan chuu mi; u nan daa nyan mi nnyun mu nyoo na ni.
U daa nyan mi mbuu mu bir na ni, u nyan mi tikpakpar ti nyoo na ponn ni, ki di mi kaan litakpal li paa na pu, le nibaa aan ki pii mi nima.
Aa cha tibɔbir ni falaa dan m pu, le aa ga ki giin ni maapɔɔn, saan cha m kpo.
Buyoonn Yesu nan ye unibɔn na, u nan wii tinyunyunn mpɔɔn pu, ki gaŋ Uwumbɔr u ga ŋmaa nyan u nkun ni na. Waah san Uwumbɔr na, le u ŋun waameel.
