Ilahn 13:2 - Uwumbɔr aagbaŋ

² M ga li bi limukl ni ki ti saa bayoonn? M ga li joo mpombiin nwiin pu ni kinyeek ki ti saa bayoonn? Maadim ga li nyaŋni mi ki ti saa bayoonn?

Ilahn 13:2 ပူးပေါင်းရင်းမြစ်များ

Nehemia 2:2

le u baa mi ke, “Ba ŋa aa lik gbilngbiln din kina? Saa bun, kina pu na, aasui le ga li bii.” Ijawaan nan chuu mi,

Esta 7:6

Le Esta nan gar u ke, “Timi aadin u ban u ku timi na le ye utunwanbirdaan Hamann wee.” Le Hamann gaar ka lik ubɔr ni ubɔrpii ijawaan ni.

Job Aagbaŋ 10:15

Libuul li ni aan m tun titunwanbir na, le m koo saabɔr ni, le m yaa tee tun ni ŋan na kan, maa kani tipar tibaa. M kpa kinimbaak, le ki ye inimɔɔn ŋmeen,

Ilahn 10:18

Aa ga ŋun bimukdam ni nkpobim aawiil, aa ga len tibɔr kpee bi pu, aan unibɔn u ye tiwan ni ga kpo na taa ki faan ubaa.

Ilahn 116:3

Nkun aanimaln nan mann goln mi; le likaakul aajawaan gob mi siin; ijawaan sakpiin le nan chuu mi,

Ilahn 17:9

aan bibiindam taa pii mi. Bidim bi bir na mann goln mi la;

Ilahn 31:18

Ŋmin binyamɔndam aafuuk, ŋmin bigaadam ni bimakdam bi len bininyaam bɔfam na aafuuk.

Ilahn 38:17

Nwon wu n‑yoonn mɔmɔk la, le m ban m lir.

Ilahn 42:4

M yaa teer n‑yoonn mu jer na aabɔr kan, le nsui bii, n‑yoonn ngbaan le m nan dii kinipaak buen Uwumbɔr do ki loln bi pu nsan na, kinipaak ngbaan aasui nan piin, le bi gaa ilahn ki tar ki pak Uwumbɔr.

Ilahn 6:4

Uwumbɔr, dan nan gaa mi lii; di saanimbaak nyan mi nkun ni.

Ilahn 7:2

naa ye kina kan, bi ga chuu mi ke uchinn aah chur tiwan pu na, ki di buen nin chee ubaa aan ŋmaa gaa mi lii na, nima chee le bi ga ti daa par par mi.

Ilahn 74:10

Uwumbɔr, timi aadim ga laa si ki saa bayoonn? Bi ga li seei si ki ti saa n‑yoonn mu kaa kpa ndoon na la aa?

Ilahn 74:18

Uwumbɔr, teer ke saadim laa si, li nyi ke baa dii si, le ki lik si fam.

Ilahn 8:2

bibilb ni mbipɔm gaa ilahn ki pak si. Saadim mɔmɔk aan ŋmaa ŋa si nibaa; unii umɔk aa keei saamɔb na, aa chur u siin ni libuul ni la.

Ilahn 9:6

Timi aadim doo kookoo a; aa kuln baatim, le ubaa aa ki teer bibɔr.

Ŋiyataŋak 15:13

Binib aasui yaa piin kan, bi laa ŋimɔmumuk la, le bisui yaa bii kan, bi kpa kinimbaak.

Ulandaan 5:17

Ti bi limɔfal lee ni, mbɔmbɔɔn ni mpombiin ni la, le ni muk timi, le timi aaŋuul fii, le ti buŋni.

Jeremia 15:18

Maan li ŋmaa bi ji falaa kina ki cha. Ba ŋa maabuun aa ŋmaa yann? Ba ŋa yaa ŋmaa yann? Aa ban ke aa jinn mi inimɔɔn ke nkpen mu foor kitakuuk na la aa?”

Jeremia 45:3

“Baruk, aa bi len ke, ‘M di cha a. Uwumbɔr moo di mpombiin le kpee maabɔr pu. Maah dɔ ŋuuni pu na yɔl nwon a, le maa ŋmaa kan lifuur libaa.’

Jeremia 8:18

Maapombiin aan ŋmaa sɔŋ; nsui bii sakpen a.

Inandalahn 1:5

Kaadim nyaŋ ki; ki gur bi baapɔɔn ni la. Uwumbɔr le cha ki jin falaa kaatunwanbir sakpenn pu; Bi chur kaabim ki di bi buen a.

Inandalahn 1:9

Kaajɔŋ aa nan bɔr, le kitafal aa nan bi ntafadaan mu ga pii ki na ni. Kaalirm nan nyaŋ a; ubaa aa ŋmaa sɔŋ kisui. Kaadim nyaŋ ki; le kaanib wii ke Uwumbɔr san bi kinimbaak.

Inandalahn 5:20

Aa yii timi ni yunn sakpen a. Saan ki teer timi aabɔr la aa?

Matiu 26:38

Le u bui bi, “Nsui bii ki ti nyaŋ. Ni wu ke nkun aah wu pu na. Kaln do man, ki li lik man.”

Tibɔnyaan ti Luk ŋmee ti na 22:53

M nan bi ni chee Uwumbɔr Aadichal ni iwiin mɔmɔk, le naa nan chuu mi. Tɔ, dandana wee le ye n‑yoonn mu Uwumbɔr siin ki tii nimi ni kinimbɔŋ ki tun mbɔmbɔɔn aatuln na.”

Jɔnn 16:6

Maah bui ke m ga buen cha nimi na, nima pu le nisui bii sakpen.

Rom Yaab 9:2

M kpa mpombiin sakpen. Nsui bii n‑yoonn mɔmɔk, mmaal aanaabitiib Juu yaab pu la.

Filipi 2:27

Ni ye mbamɔn, u nan bun ki ti ban u kpo, le Uwumbɔr san u kinimbaak ki cha u pɔɔk. Waah cha u pɔɔk na, u san m mu kinimbaak, m taa li kpa mpombiin ki kpee mpombiin pu.

1 Samuel 18:29

Kina pu le u nan moo san David ijawaan, ki kpaln waadin, ki ti saa waakundaal.

1 Samuel 24:19

Nfum muŋa aan uja ga chuu waadin ki ki di cha pinn u ki cha u ŋmar? Uwumbɔr biin aa pu, saah ŋa pu tii mi din wee na pu.