Ilahn 128:3 - Uwumbɔr aagbaŋ

³ Aapuu ga li bi ke ŋisubil aasub bu lu na le saachiln ni, le saabim ga li bi ke olif aasui i laa diin na saasambil taab.

Ilahn 128:3 ပူးပေါင်းရင်းမြစ်များ

Mpiin 49:22

Sin Josef, aa naahn busub bu si gbɔk nnyunbun ki lu ŋisubil sakpen na la, le aayaabitiib ga li wiir ki yaa buen ni mɔmɔk.

1 Bibɔrb Aabɔr 8:40

Ulam aajapɔtiib nan ye bijab bi nyi butɔb aabɔr ki ŋmaa too ipiin pam na la. Ujapɔtiib ni uyaabitiib nan ti kpaan mbijabim nkub ni piiŋmu la. Bi mɔmɔk aayimbil ŋmee ki bi paacham na nan ye bidichadam le Benjaminn aanibol ni.

Ilahn 127:3

Mbim ye Uwumbɔr aapiin le ki tii timi; bi ye tinyoor bamɔnn la.

Ilahn 127:5

Uja u kpa kina aapiin sakpen na kpa mpopiin. U yaa ti yiŋ waadim libɔjil chee kan, waan lir kpala.

Ilahn 144:12

Cha tijapɔtiib li bi ke isui i muuni ki pɔɔ na baanachipɔnn ni. Cha tibisatiib li bi ke ŋigonyaan ŋi tii libɔrchiln kinyaan na.

Ilahn 52:8

Le mma bi ke olif aakpan aasub bu si Uwumbɔr Aadichal ni na; m kpa waageehm mu bi n‑yoonn mɔmɔk na pu limakl.

Jeremia 11:16

N‑yoonn mubaa m nan yin bi ke olif aasub bu kpa tifar mbamɔm ki lu ŋisubil ŋi ŋan na la; tɔ, dandana ma kan, mmii ga dam ke utaal aah gbenni pu na, le mu wun tifar ngbaan, ki kool ibon lii kitiŋ.

Esekiel 19:10

Aana nan naahn ndaan aasubil aasub bu si gbɔk nkpen na la. Nnyun aah bi sakpen na, bu nan kpa tifar ni ŋisubil pam.

Rom Yaab 11:24

Nimi bi kaa ye Juu yaab na, ni bi ke timoor ni aasub aabon na, le Uwumbɔr gaa gii nimi ki di toŋ busunyaan pu, binib aah kaa ŋani pu na. Nima le naa pɔɔ u di Juu yaab, bi bi ke busunyaan aabon na, ki ki di toŋ busunyaan ngbaan pu.