Ilahn 128:2 - Uwumbɔr aagbaŋ

² Saatuln le ga tii si saah ban pu na; aa ga kan liwangol ki li kpa mpopiin.

Ilahn 128:2 ပူးပေါင်းရင်းမြစ်များ

Mpiin 3:19

Aa ga ko le kitotoŋ naa si waahr, le aa nin kan tijikaar ki ji, ki ti saa saakundaal. Le aa ga ki gir koo titan ni; ba pu? aa nyan titan ni la. M nan di titan le naan si, le aa ga ki kpaln titan.”

Ilahn 1:3

Bi naahn isui i si gbɔk nkpen na la; i lu ŋisubionn mu ŋeer na la, le yaafar aa kuur. Bi kani tinyoor baatuln mɔmɔk ni.

Ilahn 109:11

Cha waah joo binib bi aapɔln na gaa waawangol mɔmɔk, ki cha biwɔwɔm gaa waah tun ki kan tiwan ni mɔmɔk na.

Ulandaan 8:12

Utunwanbirdaan ga ŋmaa bii libiil nfum nkub ki beenin chuun. Mbamɔn, m nyi baah len pu na ke, “Aa yaa kii Uwumbɔr aamɔb kan, aa ŋmar a,

Aisaya 3:10

Binib bi aabimbin bi chain na ga li kpa mpopiin, le baawan mɔmɔk ga li dii nsan. Baah tun ki kan pu na, bi ga ji ni ni mpopiin.

Aisaya 62:8

Uwumbɔr puu tipuur ti pɔɔ na, le waapɔɔn pu u ga ŋa waah puu pu na ke: “Saadim aan ki di saajikaabim ŋa baajikaar, le biwɔwɔm mu aan ki nyu nimi aadaan.

Aisaya 65:13

le m ban m bui nimi ke binib bi dooni mi ki kii maamɔb na ga li kpa pam bi ji ki nyu, nimi ma kan, nkon ni nnyunyuu ga li joo nimi. Bi ga li kpa mpopiin, le nimi ga ji inimɔɔn.

Jeremia 22:15

Aa yaa di santina maa saadichal ke li li ŋan jer biken yaan kan, kina ga ŋmaa ŋa si ubɔrnyaan ki jer biken aa? Aate nan jin waamɔɔn u nan bi chob ki kpa ibamɔn, le ki nan kan tinyoor waatuln mɔmɔk ni.

1 Korenti 15:58

Nnaabigeehm, nima pu na, n‑yoonn mɔmɔk ni li tun Tidindaan aatuln sakpen, ki taa cha nibaa leŋ nimi. Ni li bi li ni; ba pu? ni nyi ke ni yaa tun lituln tii Tidindaan kan, naa tun fam.

Efesusi 6:3

u ga ŋa tinyoor ŋa ni pu, ki tii nimi limɔfafɔfɔŋ dulnyaa wee ni.

Ikaal 28:11

Uwumbɔr ga ŋa tinyoor ŋa ni pu, ni li kpa mbim, ni tiwakor, ni tijikaar pam, kitiŋ ki u nan puu tipuur tii niyaajatiib ke u ga di tii nimi na ni.

Ikaal 28:39

Ni ga bu ŋisubil aasui ki toor i mbamɔm, le ki mu aan nan kan ŋisubil ki ker ki nyu ŋaadaan; ba pu? ŋikpaambil le ga dan nan ŋmɔ tifar ni mpuun mɔmɔk.

Ikaal 28:4

“Uwumbɔr ga ŋa tinyoor ŋa ni pu, ki tii nimi mbim, ni tijikaar, ni tiwakor pam.

Ikaal 28:51

Bi ga di nimi aawakor ni tijikaar ji, le nkon ku nimi. Baan ki gur nimi tijikaar, ni ŋisubil aadaan, ni olif aakpan, ni tiwakor, le ni ga kpo.

Ikaal 28:8

“Nidindaan Uwumbɔr ga ŋa tinyoor ŋa nimi aatuln pu, le ni kan tijikaar gbiin nimi aapil. U ga ŋa tinyoor ŋa ni pu, waah ban u di kitiŋ ki tii nimi na ni.