Ilahn 125:3 - Uwumbɔr aagbaŋ

³ Bibiindam aan ŋmaa li joo bininyaam n‑yoonn mɔmɔk; bi yaa joo bi kina kan, nibaakan, bininyaam ngbaan mu ga nan tun titunwanbir.

Ilahn 125:3 ပူးပေါင်းရင်းမြစ်များ

Ilahn 103:14

U nyi taah nyan ni tiwan ni ponn ni na; u teer ke ti ye titan la.

Ilahn 103:9

Waa galni binib ki ti cha dik dik, waaŋuul sɔŋni mala mala la.

Ilahn 55:20

Maajan aajɔ le tak ujɔtiib, u bii waah puu tipuur ti na a.

Ilahn 89:22

Waadim aan ŋmaa nyaŋ u daalbaadaal; bibiindam aan ŋmaa nyaŋ u.

Ŋiyataŋak 22:8

Aa yaa di titunwanbir bun kan, kinimbɔŋ le ga punn, le saah muk biken pu na ga doo.

Aisaya 10:5

Uwumbɔr len ke, “Asiria, maaŋuul yaa ti fii unii u pu na, m joo sin Asiria le gbaa u ke baah joo lichakukul jaa kijaak pu na.

Aisaya 27:8

Uwumbɔr cha waanib aadim chur bi tinaagbiir ki di bi buen ki ti daa bitafal. U cha libuln li pɔɔ ki bir ki nyan ni liwipuul wɔb na le di bi buen.

1 Korenti 10:13

Naa kee kan ntɔŋ mu pɔɔ ki jer unibɔn mɔk aah kani pu na. Uwumbɔr ye mbamɔndaan, kaan cha ni kan ntɔŋ mu jer nimi na. Ni yaa kan ntɔŋ kan, u ga toor nsan tii nimi, ni nyaŋ ntɔŋ ngbaan. Nima le ni ga li kpa limɔr ntɔŋ ponn ni.

Tibɔkpiirkaan 2:10

Ni ga ji falaa dandana wee; ni mu taa san ijawaan man. Kinimbɔŋ ga di ni ponn ni bibaa ŋa kiyondiik ni, aan ni kan ntɔŋ, le ni ga ji falaa iwiin kipiik. Ni li dii maasan mbamɔm ki nan saa nkundaal man. Le m ga nan tii nimi lipal li ye limɔfal li kaa kpa ndoon na.

1 Samuel 24:10

Aa kan ke dandana wee Uwumbɔr di si ŋa maapɔɔn ni kitakpaluŋ ngbaan ni. Maajab bibaa bui mi ke m ku si, le m san si kinimbaak, ki bui bi ke maan ŋa si taani siib kina; ba pu? Uwumbɔr le lee si ke aa li ye ubɔr.