Ilahn 123:2 - Uwumbɔr aagbaŋ

² Tidindaan Uwumbɔr, unaagbiija aah bi udindaan pu, aan unaagbiipiibo mu bi udindaan pu pu na, kina le ti mu lik aa pu, ki kii n‑yoonn mu aa ga san timi kinimbaak na.

Ilahn 123:2 ပူးပေါင်းရင်းမြစ်များ

Mpiin 32:26

Le ntuun ngbaan bui u ke, “Ni ban ni woln la, di mi lii, aan m li cha.” Le Jakob bui u ke, “Maan cha aa buen, see aa ŋa tinyoor ŋa m pu.”

Mpiin 49:18

Uwumbɔr, m kii saah ga gaa mi lii pu na la.

1 Bibɔrb 1:20

Mpɔɔndaan, Israel aanib mɔmɔk lik sin le pu, ke aa tuk bi unii u ga nab saanaan pu na.

2 Bibɔrb Aabɔr 20:12

Sin le ye timi Aawumbɔr. Taa kpa nterm mubaa butɔb aajapaak ki bi tak timi na chee, kina pu na, daa bitafal. Taa nyi taah ga ŋa pu na, ti tee lik sin pu, le ki ban nterm.”

Ilahn 119:82

Maah lik ki ban tiwan ni aa puu ke aa ga ŋa na pu na le nnimbil ti gur wu, le m baa ke, “Bayoonn aan aa ga ter mi?”

Ilahn 25:15

Uwumbɔr chee le m ban nterm n‑yoonn mɔmɔk, le u nyani mi linimaln ni.

Tibɔnyaan ti Luk ŋmee ti na 18:1

Le Yesu ŋakl bi liyataŋakl, u di mɔk bi ke ni ŋan bi li mee Uwumbɔr n‑yoonn mɔmɔk, ki taa cha bitaakpab yɔl.

Josua 10:6

Le Gibeonn aatiŋ aajab tun ntuun Josua chee, Gilgal aatiŋ ni ke, “Timi aaninkpel, taa yii. Dan mala ki nan ter timi, ki gaa timi lii. Amor yaab aabɔrb mɔmɔk bi ka ŋigongon pu na kpaan kimɔbaan ki nan lir ti pu a.”

Josua 9:23

Naah ŋa kina na, Uwumbɔr mu ga daa nitafal. Ni ga li ye binaagbiib le n‑yoonn mɔmɔk. Ni ga li peei idɔ ki li lu nnyun ŋani Maawumbɔr Aadichal ni.”

Josua 9:27

U mu nan di bi ŋa binaagbiib la, bi nan peei idɔ, le ki lu nnyun tii Israel yaab, ki lu ŋani Uwumbɔr Aadichal mu ni. N‑yoonn ngbaan kina ki nan saa din, bi laa beenin tun lituln ngbaan, nin chee Uwumbɔr nyan ke bi li dooni u na.